డాక్టర్ సుధాకర్ కేసులో హైకోర్టు కీలక ఆదేశాలు

ఆంధ్రప్రదేశ్‌ (Andhra Pradesh)లో గత నెల రోజులుగా సంచలనంగా మారిన డాక్టర్ సుధాకర్ కేసులో రాష్ట్ర హైకోర్టు (AP high Court) శుక్రవారం కీలక ఆదేశాలు జారీ చేసింది. తన కుమారుడు, విశాఖ డాక్టర్ సుధాకర్ (Doctor Sudhakar)‌ను అక్రమంగా అదుపులోకి తీసుకున్నారని ఆయన తల్లి కావేరి బాయి గురువారం దాఖలు చేసిన హెబియస్ కార్పస్ పిటిషన్‌ను హైకోర్టు విచారించింది. మెంటల్ హాస్పిటల్ సూపరింటెండెంట్ అనుమతితో డాక్టర్ సుధాకర్ ఆస్పత్రి నుంచి డిశ్ఛార్జ్ కావొచ్చునని, అయితే సీబీఐ విచారణకు సహకరించాలని సైతం కీలక ఆదేశాలు జారీ చేసింది. ఏపీలో కరోనా కల్లోలం.. తాజాగా ఇద్దరు మృతి

గత నెల 16న డాక్టర్ సుధాకర్‌ను పోలీసులు అదుపులోకి తీసుకున్నారు. ఆయన మానసిక పరిస్థితి లేదని కేజీహెచ్ వైద్యులు నిర్ధారించిన తర్వాత ప్రభుత్వ మానసిక వైద్యశాలకు తరలించారు. అయితే డాక్టర్ సుధాకర్‌పై ప్రభుత్వం వ్యవహరించిన తీరుపై టీడీపీ నాయకురాలు వంగలపూడి అనిత హైకోర్టుకు లేఖ రాయడంతో సుమోటో పిల్‌గా పరిగణించారు.  నేటి రాత్రి చంద్రగ్రహణం.. మూడు గంటలకు పైగా అకాశంలో అద్భుతం