Nellore Road Accident: నెల్లూరు జిల్లాలో ఘోర రోడ్డు ప్రమాదం.. ఏడుగురు దుర్మరణం

Nellore Road Accident Today: నెల్లూరు జిల్లాలోని ముసునూరు టోల్ ప్లాజా వద్ద ఘోర రోడ్డు ప్రమాదం జరిగింది. ఈ ఘటనలో ఏడుగురు మృతి చెందగా.. 15 మందికి గాయాలయ్యాయి. శుక్రవారం అర్ధరాత్రి దాటక 2 గంటల సమయంలో ఈ ప్రమాదం సంభవించింది. మొదట ఆగి ఉన్న లారీని వెనక నుంచి ఓ లారీ ఢీకొట్టింది. అదే సమయంలో చెన్నై నుంచి హైదరాబాద్‌ వెళుతున్న ప్రైవేట్ ట్రావెల్స్ బస్సు వచ్చి వీటిని ఢీకొట్టడంతో దాని ముందు భాగం నుజ్జునుజ్జు అయ్యింది. ఈ ఘటనలో బస్సులోని ఏడుగురు ప్రయాణికులు ప్రాణాలు కోల్పోయారు. సమాచారం అందుకున్న పోలీసులు వెంటనే సంఘటన స్థలానికి చేరుకుని సహాయక చర్యలు చేపట్టారు. క్షతగాత్రులను ఆస్పత్రికి తరలించారు. మృతుల సంఖ్య పెరిగే అవకాశం ఉంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.