Tirumala Woman Death: బాత్‌రూమ్‌లోకి వెళ్లి నిప్పంటించుకుని.. తిరుమలలో మహిళ ఆత్మహత్య

Woman Committed Suicide In Tirumala: అధ్యాత్మిక క్షేత్రం తిరుమలలో విషాదం చోటు చేసుకుంది. మహిళ నిప్పటించుకుని ఆత్మహత్యకు పాల్పడిన ఘటన కలకలం రేపుతోంది. తిరుమలలోని ఓ హోటల్‌లో పని చేస్తున్న మహిళ.. వరాహస్వామి విశ్రాంతి గృహం ఎదురుగా ఉన్న వాష్ రూమ్‌లోకి వెళ్లి ఒంటికి నిప్పంటించుకుంది. శౌచాలయం నుంచి పొగలు రావడంతో పోలీసులు అక్కడికి చేరుకుని తలుపులు పగలగొట్టగా.. మహిళ మంటల్లో కాలుతూ కనిపించింది. మంటలను వెంటనే ఆర్పేసి ఆమెను కాపాండేందుకు ప్రయత్నించినా.. అప్పటికే మరణించింది. మృతి చెందిన మహిళను విజయవాడకు చెందిన సుమతి (53)గా పోలీసులు గుర్తించారు.

ఆదివారం రాత్రి 10 గంటల సమయంలో ఈ ఘటన చోటు చేసుకుంది. మహిళ ఆత్మహత్యకు గల కారణాలు తెలియాల్సి ఉంది. ఈ ఘటనతో తిరుమల క్షేత్రం ఒక్కసారిగా ఉలిక్కిపడింది. భక్తులు ఆందోళనకు గురవ్వగా.. మరోసారి ఇలాంటి ఘటనలు జరగకుండా చూడాలని కోరారు. పోలీసులు కేసు నమోదు చేసుకుని దర్యాప్తు చేపట్టారు. టీటీడీ అధికారులు ఘటన స్థలానికి చేరుకుని పరిశీలించారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.