Allu Arjun: యానిమల్ రివ్యూ ఇచ్చిన అల్లు అర్జున్.. హీరోహీరోయిన్లపై ప్రశంసలు

Allu Arjun Reviews Animal: సందీప్ రెడ్డి వంగ దర్శకత్వంలో రణబీర్ కపూర్ హీరోగా రష్మిక మందాన హీరోయిన్ గా నటించిన సినిమా యానిమల్.  ఈ సినిమా విడుదలైన దగ్గర నుంచి ఎంతోమంది సెలబ్రిటీస్ ఈ సినిమాని చూసి ప్రశంసిస్తున్నారు. రాంగోపాల్ వర్మ లాంటి వారు కూడా సినిమాలు తీసే స్టైల్ ని సందీప్ రెడ్డి మార్చేశారు అంటూ తెగ మెచ్చుకున్నారు. కాగా ఇప్పుడు ఈ సినిమా విపరీతంగా నచ్చిన వారి లిస్టులో స్టైలిష్ స్టార్ అల్లు అర్జున్ కూడా చేరిపోయారు.

సందీప్ రెడ్డి వంగ దర్శకత్వంలో అల్లు అర్జున్ త్వరలోనే ఒక సినిమా చేయనున్న సంగతి తెలిసిందే. ఈ నేపథ్యంలో తన దర్శకుడి తాజా చిత్రం యానిమల్ చూసి రివ్యూ ఇచ్చేశారు అల్లు అర్జున్. యానిమల్ ఓ సినిమాటిక్ బ్రిలియన్స్ అని అల్లు అర్జున్ ఈ సినిమాని ఆకాశానికెత్తాడు. రణ్‌బీర్, రష్మిక, బాబీ డియోల్, అనిల్ కపూర్, తృప్తి దిమ్రి, సందీప్ రెడ్డి వంగాలపై ప్రశంసలు కురిపించాడు మన బన్నీ.

‘యానిమిల్.. మైండ్ బ్లోయింగ్ సినిమా. ఈ సినిమాటిక్ బ్రిలియన్స్ చూసి పిచ్చెక్కేసింది. కంగ్రాచులేషన్స్. రణ్‌బీర్ కపూర్ జీ ఇండియన్ సినిమా పర్ఫార్మెన్స్ ను మీరు మీ నటనతో మరో లెవల్ కు తీసుకెళ్లారు. చాలా ఇన్‌స్పైరింగా ఉంది. మీరు క్రియేట్ చేసిన మ్యాజిక్ చూసి నాకు అసలు మాటలు రావడం లేదు. రష్మిక నువ్వు అద్భుతం. ఇప్పటి వరకూ నువ్వు చేసిన సినిమాలలో ఇది నీ బెస్ట్ పర్ఫార్మెన్స్. ఇలాంటివే మరిన్ని రావాలి అని కోరుకుంటున్నాను. 

బాబీ డియోల్ జీ మీ పర్ఫార్మెన్స్ అందరినీ మాటలు లేకుండా చేసింది. అనిల్ కపూర్ జీ మీ అనుభవమే మీరేంటో చెబుతోంది. మీ నటన సూపర్. యంగ్ లేడీ తృప్తి దిమ్రి యువకుల గుండెలు కొల్లగొడుతోంది. ఇక ఇతర ఆర్టిస్టులు, టెక్నీషియన్స్ అత్యుత్తమ పర్ఫార్మెన్స్ చూపించారు. కంగ్రాచులేషన్స్. డైరెక్టర్ సందీప్ రెడ్డి వంగా గారు.. మీరు మైండ్ బ్లోయింగ్. మీరు అన్ని సినిమాటిక్ పరిమితులను దాటేశారు' అని ఈ సినిమాని ఆకాశానికి ఎత్తేశారు బన్నీ. కాగా యానిమల్ సినిమాపై అల్లు అర్జున్ ఇచ్చిన రివ్యూ ప్రస్తుతం సోషల్ మీడియాలో తెగ వైరల్ అవుతోంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.