Pruthvi Raj: జనసేనకు జైకొట్టిన పృథ్వీరాజ్.. ఆరోజే పవన్ సమక్షంలో చేరిక?

Comedian Pruthvi Raj may Join in Janasena: 30 ఇయర్స్ పృథ్వీరాజ్ గా పేరు పొందిన బలిరెడ్డి పృథ్వీరాజ్ సినిమాల్లో ఎంత కమెడియన్ గా మంచి పేరు తెచ్చుకున్నారు. అయితే రాజకీయాల్లోకి వచ్చాక ఆయన అనేక రకాలుగా అభాసుపాలయ్యారు. 2014 ఎన్నికలకు ముందు వైసీపీ తీర్థం పుచ్చుకున్న ఆయన ఎన్నికల్లో ప్రచారం చేశారు. అయితే అప్పుడు పార్టీ ఓడిపోవడంతో పాటు ఆయన కూడా సైలెంట్ అయ్యారు. తర్వాత 2019 ఎన్నికల ముందు మళ్ళీ యాక్టివ్ అయిన ఆయన చంద్రబాబు, లోకేష్, పవన్ కళ్యాణ్ సహా ఇతర పార్టీల మీద తీవ్ర స్థాయిలో ఫైర్ అవుతూ ఉండేవారు.

సినీ పరిశ్రమ నుంచి ఈ స్థాయిలో బయటకు వచ్చి జగన్ కి సపోర్ట్ చేసిన వారు చాలా తక్కువ మంది కావడంతో ఆయనకు వెంటనే ఒక కీలక పదవి దక్కింది. టీడీపీ అధికారంలో ఉండగా రాఘవేంద్రరావు చేపట్టిన పదవి పృథ్వికి దక్కింది.  శ్రీ వెంకటేశ్వర భక్తి ఛానల్ చైర్మన్ గా పృథ్వీరాజ్ కు జగన్ బాధ్యతలు అప్పగించారు. అయితే ఒక మహిళతో సరస సలాపాలు సాగిస్తున్న ఆడియో ఒకటి బయటకు రావడంతో అది నిజమో కాదో తెలియకున్నా, తనకు ఇష్టం లేకపోయినా ఆయన పదవి నుంచి తప్పుకోవాల్సి వచ్చింది.

ఆ తరువాత పృథ్వీరాజ్ కు వైసీపీకి మధ్య దూరం పెరిగింది. ఈ మధ్యనే వైసీపీకి వ్యతిరేకంగా ఉంటుందని ముద్ర వేసుకున్న ఒక ఛానల్ అధినేతకు స్పెషల్ ఇంటర్వ్యూ ఇచ్చిన పృథ్వి ఆ పార్టీ మీద అనేక సంచలన ఆరోపణలు చేశారు. అదే సమయంలో ఆయన జనసేనలో చేరే అవకాశం ఉందని ప్రచారం జరిగింది. తాజాగా నాగబాబుతో పృథ్వీరాజ్ బేటీ అయ్యారు. ఈ క్రమంలో తాను జనసేనలో చేరబోతున్నాను అని ప్రకటించారు. నిజానికి పవన్ కళ్యాణ్ ప్రస్తుతం చాతుర్మాస దీక్షలో ఉన్నారు.

ఈ చాతుర్మాస దీక్ష పూర్తయిన తర్వాత ఉభయగోదావరి జిల్లాలలో జనసేన తరపున పర్యటించబోతున్నారు. ఈ పర్యటనలో భాగంగా పృథ్వీరాజ్ జనసేన తీర్థం పుచ్చుకునే అవకాశం కనిపిస్తోంది. అంతేకాక ఈసారి తన సొంత నియోజకవర్గమైన తాడేపల్లిగూడెం నుంచి జనసేన ఎమ్మెల్యే అభ్యర్థిగా కూడా పోటీ చేసే అవకాశాలు ఉన్నాయని అంటున్నారు. ఆయన పొతీ చేస్తారో లేదో అనే విషయం మీద క్లారిటీ లేదు కానీ ఆయన చేరడం మాత్రం ఖాయమైపోయినట్లు సమాచారం.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

Android Link - https://bit.ly/3P3R74U