Kiran Abbavaram New Movie : స్పీడుమీదున్న కిరణ్ అబ్బవరం.. అప్పుడే మరొకటి స్టార్ట్ చేసిన యంగ్ హీరో

Kiran Abbavaram New Movie ప్రస్తుతం యంగ్ హీరోల్లో కిరణ్ అబ్బవరం ఎంత స్పీడుగా ఉన్నాడో అందరికీ తెలిసిందే.  ఫలితాలతో సంబంధం లేకుండా చకచకా ప్రయోగాత్మక చిత్రాలు చేసుకుంటూ వెళ్తున్నాడు. కరోనా సమయంలోనూ బ్లాక్ బస్టర్ హిట్ కొట్టేశాడు. ఎస్ఆర్ కళ్యాణమండపం అంటూ హిట్ కొట్టేసిన కిరణ్‌ అబ్బవరం ఇప్పుడు ఆ వెంటే సమ్మతం అంటూ మరో విజయాన్ని అందుకున్నాడు. ఇలా మంచి చిత్రాలు చేసుకుంటూ  ప్రేక్షకులపై తన మార్క్ వేశాడు కిరణ్ అబ్బవరం.

చివరగా కిరణ్ అబ్బవరం వినరో భాగ్యము విష్ణు కథ అనే సినిమాతో వచ్చాడు. ఈ చిత్రం థియేటర్లో మంచి కలెక్షన్లను రాబట్టేసింది. కమర్షియల్‌గా భారీ విజయాన్ని అందుకుంది. ఇప్పుడు కిరణ్ అబ్బవరం వరుస విజయాలతో దూసుకుపోతోన్నాడు. అలాంటి ఈ యంగ్ హీరో ఇప్పుడు కొత్త సినిమాను ప్రారంభించాడు. తన కొత్త సినిమా విశేషాలను పంచుకున్నాడు.

శివం సెల్యులాయిడ్స్ ప‌తాకంపై ప్రొడ‌క్ష‌న్ నెంబ‌ర్-2గా సరికొత్త ల‌వ్ యాక్ష‌న్ డ్రామా రాబోతోంది. ఈ చిత్రంలో కిరణ్ అబ్బవరం హీరోగా కనిపిస్తాడు. ఈ సినిమా ద్వారా విశ్వ‌క‌రుణ్ ద‌ర్శ‌కుడిగా ప‌రిచయం అవుతున్నాడు. ఈ మూవీ ఓపెనింగ్ కార్యక్రమం రామానాయుడు స్టూడియోస్‌లో జరగ్గా.. ఈ ఈవెంట్‌కు వివి వినాయకర్, ఏఎం రత్నం, సురేష్ బాబు వంటి వారు ముఖ్య అతిథులుగా వచ్చారు.

హీరోపై చిత్రీక‌రించిన ముహూర్తపు స‌న్నివేశానికి ప్ర‌ముఖ ద‌ర్శ‌కుడు వి.వి.వినాయ‌క్ క్లాప్ కొట్టాడు. నిర్మాత‌లు ద‌గ్గుబాటి సురేష్ బాబు, ఎ.ఎం.ర‌త్నం కెమెరా స్విచాన్ చేశారు. ఈ కార్య‌క్ర‌మానికి నిర్మాత‌లు కె.ఎస్.రామారావు, జెమిని కిర‌ణ్‌, శిరీష్, వ‌ల్ల‌భ‌నేని వంశీ, న‌ల్ల‌మ‌ల‌పు బుజ్జి, రామ్ తాళ్లూరి, దామోద‌ర‌ప్ర‌సాద్, కె.కె.రాధామోహ‌న్, బెక్కెం వేణుగోపాల్, ప్ర‌స‌న్న కుమార్, తుమ్మ‌ల‌ప‌ల్లి రామ‌స‌త్య‌నారాయ‌ణ‌ త‌దిత‌రులు అతిథులుగా హాజ‌రయ్యారు. ఈనెలలోనే రెగ్యుల‌ర్ షూటింగ్ ప్రారంభం అవుతుందని, ఇత‌ర వివ‌రాల‌ను త్వ‌ర‌లోనే వెల్ల‌డిస్తామ‌ని మేకర్లు తెలిపారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.