Pradeep Ranganathan Facebook : డైరెక్టర్ కమ్ హీరోకి చిక్కులు.. ఫేస్ బుక్ అకౌంట్ క్లోజ్?.. వెంటాడుతున్న పోస్ట్‌లు

Love Today Director Pradeep Ranganathan : సోషల్ మీడియాలో జనాలు ఎంత స్పీడుగా, ఎంత యాక్టివ్‌గా ఉంటారో చెప్పాల్సిన అవసరం లేదు. ఎప్పుడో మనం గతంలో వేసిన పోస్టును కూడా బయటకు తవ్వి తీసి.. ఇప్పుడు ట్రెండ్ చేస్తుంటారు. సినిమా తారల విషయంలో అయితే జనాలు ఇంకా ఎంతో ఫోకస్‌ పెడుతుంటారు. ఇప్పుడు డైరెక్టర్ కమ్ హీరో అయిన ప్రదీప్ రంగనాథన్‌కు అలాంటి చిక్కులే వచ్చాయి. గతంలో ప్రదీప్ వేసిన పోస్టులు, సెలెబ్రిటీల మీద చేసిన కామెంట్లు ఇప్పుడు ఆయన మెడకు చుట్టేస్తున్నాయి.

కోమలి సినిమాతో ప్రదీప్ పేరు కోలీవుడ్‌లో మార్మోగిపోయింది. మరోసారి లవ్ టుడ్ సినిమాతో దర్శకుడిగా, హీరోగా ప్రదీప్ పేరు ట్రెండ్ అవుతోంది. ఈ సారి కోలీవుడ్‌తో పాటుగా టాలీవుడ్లోనూ ప్రదీప్ ట్రెండ్ కాబోతోన్నాడు. తాజాగా ఈ మూవీ తెలుగు ట్రైలర్‌ను విడుదల చేశారు. ఈ చిత్రం వచ్చే వారం ప్రేక్షకుల ముందుకు రాబోతోంది.అయితే ఈ క్రమంలో ప్రదీప్ పేరు కాంట్రవర్సీలో చిక్కకుంది.

గతంలో ప్రదీప్ తన ఫేస్ బుక్ ఖాతాలో యువన్ శంకర్ రాజా ఫ్రాడ్ అని, కమల్ హాసన్ విజయ్‌ల మీద నెగెటివ్ కామెంట్లు చేయడం, సచిన్ ధోనీల మీద నెగెటివ్ కామెంట్లు చేస్తూ వేసిన పోస్టులు ఇప్పుడు తెరపైకి వచ్చాయి. ప్రదీప్‌ను అందరూ ట్రోల్స్ చేస్తున్నారు. అయితే ప్రదీప్ ఈ విషయం మీద స్పందించాడు.

ఫేస్ బుక్‌లో నేను గతంలో చేసిన పోస్టులు నిజమే..అప్పుడేదో ఆ వయసులో తెలియకుండా చేశాను.. నేను చేసిన తప్పులు సరిదిద్దుకుంటూ ఉంటున్నాను.. ఇలా ట్రోల్స్ చేస్తున్న వారిని నేనేమీ తప్పు పట్టను. వీటి వల్ల నన్ను ఎంతగానో ప్రేమించేవారు కూడా ఉన్నారని తెలిసింది.. నేను చేసిన తప్పులు సరిదిద్దుకుంటూ.. ప్రతీ రోజు ఓ బెటర్ పర్సన్ అయ్యేందుకు ప్రయత్నిస్తున్నాను అంటూ ట్వీట్ వేశాడు. అయితే ప్రదీప్ తన ఫేస్ బుక్ ఖాతాను డీ యాక్టివ్ చేసినట్టు తెలుస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.