Veera Simha Reddy Twitter Review : వీర సింహా రెడ్డి ట్విట్టర్ స్టోరీ.. బోయపాటి కన్నా అరాచకం

Veera Simha Reddy Twitter Review నందమూరి బాలకృష్ణను గోపీచంద్ మలినేని మరింత మాసీ లుక్కులోకి తీసుకొచ్చాడు. వీర సింహా రెడ్డి సినిమాలో మునుపటి బాలయ్యను చూపించే ప్రయత్నం చేశాడు. అయితే ఇప్పుడు ఈ సినిమా నెట్టింట్లో హల్చల్ చేస్తోంది. ఇప్పటికే పలు చోట్ల ఫ్యాన్స్ షోలు, స్పెషల్ షోలు పడ్డాయి. ఓవర్సీస్ నుంచి టాక్ కూడా వచ్చేసింది. మరి ఈ సినిమా ఎలా ఉందో నెటిజన్లు ఏమంటున్నారో ఓ సారి చూద్దాం.

ఇంటర్వెల్ సీన్ ఎమోషనల్‌గా ఉందని, ఒక వేళ ఇదే ఊపులో రెండో భాగం కూడా ఉంటే సినిమా సూపర్ హిట్ అవుతుందని ఓ నెటిజన్ అంటున్నాడు. సెకండాఫ్ దారుణంగా ఉందని, అందరూ బయటకు వెళ్తున్నారని, మ్యాట్నీ నుంచి ఎవ్వరూ షోకు రారని, రొటీన్ ఫార్మూలా ప్రతీ సారి వర్కౌట్ అవ్వదు అని ఇంకో నెటిజన్ కామెంట్ పెట్టేశాడు.

ఈ సినిమాలో ప్రభుత్వం మీద ఎన్నో కౌంటర్లున్నాయి.. అయినా కూడా ఏపీ ప్రభుత్వం నుంచి టికెట్ల రేట్లు పెంపు, అదనపు షోలు మాత్రం అనుమతించింది అదే ఆశ్చర్యం అని మరో నెటిజన్ కామెంట్ పెట్టేశాడు. బోయపాటి కన్నా అరాచకం.. బ్లాక్ బస్టర్.. సెకండాఫ్‌ ఎంతో ఎమోషనల్‌గా ఉంది.. బాలయ్య ఏడిస్తే ఏం ఏడ్చాంరా అయ్యా.. మాస్ అమ్మా మొగుడు.. అని ఇంకో నెటిజన్ ఎమోషనల్ అయ్యాడు.

ఫస్ట్ హాఫ్ బ్లాక్ బస్టర్.. సెకండాఫ్‌ కాస్త డిసప్పాయింట్‌ చేసింది. కానీ ఓవరాల్‌గా ఎబోవ్ యావరేజ్ మూవీ.. సెకండాఫ్‌ కేవలం బాలయ్య ఫ్యాన్స్‌కు మాత్రమే అని మరో నెటిజన్ అంటున్నాడు. బాలయ్య అనగానే తమన్ డ్యూటీ ఎక్కేస్తాడట..మరోసారి ఆర్ఆర్ అదరగొట్టేశాడట. వీర సింహా రెడ్డి డైలాగ్స్ ఊర మాస్.. ఇక్కడ ఓవర్సీస్‌లోనే మెంటల్ మేనియా ఉందట.. మన రూరల్‌లో అయితే.. ఇంక ఏ రేంజ్‌లో ఉంటుందో అని అంటున్నాడు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.