Vijay Varisu Remuneration : విజయ్ రెమ్యూనరేషన్..నెట్టింట్లో చర్చలు.. అన్ని కోట్లా?

Thalapathy Vijay Varisu Remuneration : దళపతి విజయ్ సినిమాలకు కోలీవుడ్‌లో మంచి గిరాకీ ఉంటుంది. విజయ్ సినిమాలకు టాక్ ఎలా ఉన్నా కూడా కోలీవుడ్‌లో మంచి వసూళ్లు వస్తాయి. బీస్ట్ నాసిరకంగా ఉన్నా కూడా కోలీవుడ్‌లో వందల కోట్లు కొల్లగొట్టేసింది. తెలుగు, హిందీ భాషల్లో బీస్ట్ దారుణంగా బెడిసి కొట్టేసింది. కానీ కోలీవుడ్‌లో మాత్రం బాగానే ఆడింది. అలా విజయ్ సినిమాకు కోలీవుడ్‌లో ఎప్పుడూ డిమాండ్ ఉంటుంది.

అందుకే విజయ్‌కి భారీ మొత్తంలో రెమ్యూనరేషన్ ఇచ్చేందుకు ముందుకు వస్తుంటారు. మామూలుగా అయితే ఇప్పుడు దేశంలో ప్రభాస్‌కే ఎక్కువ మొత్తం రెమ్యూనరేష్‌ ఇస్తున్నట్టు తెలుస్తోంది. ఆదిపురుష్‌ సినిమాకు దాదాపు రూ. 120 కోట్లు తీసుకుంటున్నట్టు తెలుస్తోంది. ఇక ప్రభాస్ తన సినిమాలన్నింటికీ ఇంచు మించు ఇదే రేటును కోట్ చేస్తున్నట్టుగా సమాచారం.

అయితే ఈ రేంజ్ రెమ్యూనరేషన్ ప్రస్తుతం ఇంకే హీరోకు కూడా లేదనేది అందరికీ తెలిసిందే. మిగతా హీరోలంతా కూడా యాభై నుంచి డెబ్బై కోట్ల మధ్యలోనే ఉన్నారనే మరో టాక్. అయితే ఇప్పుడు విజయ్ వారిసు సినిమా కోసం తీసుకుంటున్న రెమ్యూనరేషన్ మీద చర్చలు జరుగుతున్నాయి. విజయ్‌కి ఈ సినిమా కోసం రూ. 120 కోట్లు ఇచ్చారనే టాక్ బయటకు వచ్చింది.

అయితే ఇదంతా గాలి వార్తేనని, విజయ్‌కి కేవలం ముప్పై కోట్లు మాత్రం ఇచ్చారంటూ ఇంకో ప్రచారం ఊపందుకుంది. ఇలా మొత్తానికి విజయ్ రెమ్యూనరేషన్ మీద మాత్రం చర్చలు జరుగుతూనే ఉన్నాయి. వీటిలో ఏది నిజం ఏది అబద్దం అన్నది మాత్రం నిర్మాత దిల్ రాజుకే తెలియాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.