74వ స్వాతంత్య్ర దినోత్సవ వేడుకల సందర్భంగా భారతీయులలో దేశభక్తిని తట్టిలేపిన దేశభక్తి గీతాలపై ఓ లుక్కేద్దాం. సరిహద్దుల్లో దేశం కోసం యుద్ధం చేస్తోన్న సైనికులకు సైతం ప్రేరణ ఇచ్చే ఈ దేశభక్తి గీతాలు ప్రతీ ఒక్కరిలో దేశభక్తిని రగిలిస్తాయి. అవేంటో మీరూ చూడండి.


COMMERCIAL BREAK
SCROLL TO CONTINUE READING

అక్షయ్ కుమార్, పరిణీతి చోప్రా ప్రధాన పాత్రల్లో నటించిన కేసర్ సినిమా దేశభక్తిని ప్రోత్సహించే చిత్రాల్లో ప్రత్యేకమైనదని చెప్పుకోవచ్చు. అనురాగ్ సింగ్ డైరెక్ట్ చేసిన ఈ సినిమాలోని తేరి మిట్టి ( Teri Mitti song from Kesar) అనే పాటకు ఆర్కో మ్యూజిక్ కంపోజ్ చేయగా ప్రముఖ గాయకుడు బి ప్రాన్ ఆలపించారు. 2019లో ఈ సినిమా సూపర్ హిట్ కాగా.. సోషల్ మీడియాలో ఈ పాట పెను సంచలనం సృష్టించింది.



 


హాలీడే సినిమా ( Holiday movie ) కోసం ఇర్షాద్ కమిల్ రచించిన నైనా అష్క్ న హో ( Naina Ashq Na Ho song ) అనే పాట వింటే కన్నీళ్లు రావడం ఖాయం. సరిహద్దుల్లో యుద్ధానికి వెళ్లే సైనికులకు వారి కుటుంబసభ్యులు వీడ్కోలు పలికే దృశ్యాలతో మొదలయ్యే ఈ పాట ఆద్యంతం ఆకట్టుకుంటుంది. ఏ.ఆర్. మురుగదాస్ డైరెక్ట్ చేసిన ఈ సినిమాకు ప్రీతం మ్యూజిక్ అందించగా ప్రముఖ సింగర్ అర్జీత్ సింగ్ అంతే అందంగా ఆలపించాడు.



 


పర్మాను: ది స్టోరీ ఆఫ్ పోఖ్రాన్ ( Parmanu: The Story of Pokhran).. భారతీయులకు గుండెల నిండుగా దేశభక్తిని రగిల్చే సినిమాల్లో ఇది ఒకటి. ఈ సినిమాలో జాన్ అబ్రహం, డయానా పెంటీ ప్రధాన పాత్రల్లో నటించగా.. అభిషేక్ శర్మ డైరెక్ట్ చేశారు. ఆయోరే శుభ్ దిన్ ఆయోరే అంటూ సాగే ఈ పాట వింటే మీలో ఉన్న దేశభక్తి రెట్టింపవడం ఖాయం.



 


కార్గిల్ యుద్ధం నేపథ్యంతో తెరకెక్కిన లక్ష్య ( Lakshya ) సినిమా సరిహద్దుల్లో సైనికుడి జీవితం ఎలా ఉంటుందని చూపించింది. ఈ సినిమాలో కంధోసే మిల్తే హై కంధే పాట ( Kandhon Se Milte Hain Kandhe ) చాలా ప్రత్యేకం. ఈ పాటకు శంకర్ ఎహ్సాన్ లాయ్ మ్యూజిక్ కంపోజ్ చేయగా.. శంకర్ మహదేవన్, సోనూ నిగం, హరిహరన్, రూప్ కుమార్ రాథోడ్, కునాల్ గంజావాలా, విజయ్ ప్రకాశ్ పాట పాడారు. ఫరాన్ అక్తర్ ఈ సినిమాను డైరెక్ట్ చేశారు.



 


అక్షయ్ కుమార్ నటించిన గోల్డ్ సినిమాలోని ( Gold movie ) జాగా హిందుస్థాన్ పాట ( Jaaga Hindustan song ) కూడా దేశభక్తిని తట్టిలేపే పాటల్లో ఒకటి. రీమా కగ్తి డైరెక్ట్ చేసిన ఈ సినిమాకు సచిన్ - జిగర్ ద్వయం మ్యూజిక్ అందించారు.



 


ఏఆర్ రెహ్మాన్ మ్యూజిక్ కంపోజ్ చేసిన మా తుఝే సలాం పాట ( Maa Tujhe Salaam song ) గురించి ఇక పరిచయమే అక్కర్లేదు. ఇప్పటికే ఏళ్ల తరబడిగా భారతీయుల గుండెలోతుల్లో పాతుకుపోయిన దేశభక్తి గీతం ఇది.



 


షారుఖ్ ఖాన్ నటించిన స్వదేశ్ సినిమాలో ( Swadesh movie ) యే జో దేశ్ హై తేరా పాట కూడా పరిచయం అవసరం లేని దేశ భక్తి గీతం. విదేశాల్లో ఉన్న ఎన్నారైల ఆలోచనలు, పరిస్థితిని ప్రతిభింబించే ఈ పాట కూడా దేశభక్తిని ప్రోత్సహిస్తుంది.



 


చక్ దే ఇండియా ( Chak de India ).. ఆటల పోటీల్లో భారత క్రీడాకారులకు ప్రోత్సాహం అందించే పాట. అంతేకాదు.. విజయం కోసం పరితపించే ప్రతీ భారతీయుడికి ఎంతో జోష్‌నిచ్చే పాట ఇది. షారుఖ్ ఖాన్ ప్రధాన పాత్ర పోషించిన ఈ సినిమాను శిమిత్ అమిన్ డైరెక్ట్ చేయగా.. సలీం-సులైమన్ మ్యూజిక్ కంపోజ్ చేశారు.



 


రాజీ సినిమాలోని ఏ వతన్.. మేరే వతన్ పాట ( Ae Watan song ) కూడా మనలోని దేశ భక్తిని తట్టిలేపే గీతాల్లో ఒకటి. శంకర్ ఎహ్సన్ లాయ్ మ్యూజిక్ అందించిన ఈ ట్యూన్‌ని సునిధి చౌహన్ అంతే అందంగా పాడారు.



 


అమీర్ ఖాన్ నటించిన రంగ్ దే బసంతి మూవీలోని టైటిల్ ట్రాక్ ( Rang De Basanti song ) అప్పుడైనా.. ఇప్పుడైనా.. ఎప్పుడైనా హిట్టే. ఎ.ఆర్. రెహ్మాన్ మ్యూజిక్ కంపోజ్ చేసిన ఈ పాటను దలేర్ మెహందీ, కె.ఎస్. చిత్ర అందంగా ఆలపించారు.