Kushi on OTT: ఓటీటీలోకి వచ్చేసిన `ఖుషి` మూవీ.. స్ట్రీమింగ్ ఎక్కడంటే?

Kushi OTT Release date: టాలీవుడ్ స్టార్ హీరో విజయ్ దేవరకొండ, స్టార్ హీరోయిన్ సమంత జంటగా నటించిన సినిమా ఖుషి. మజిలీ ఫేమ్ శివనిర్వాణ దర్శకత్వం వహించిన ఈ మూవీ సెప్టెంబరు 01న ప్రేక్షకుల ముందుకు వచ్చింది. లైగర్ డిజాస్టర్ తర్వాత విజయ్ నుంచి వస్తున్న సినిమా కావడం, లాంగ్ గ్యాప్ తర్వాత సామ్ చేసిన మూవీ కావడంతో ఖుషిపై భారీగా అంచనాలు ఉన్నాయి. ఆడియెన్స్ ఎక్సపెక్టేషన్ కు తగ్గేట్టే ఈ సినిమా భారీ ఓపెనింగ్స్ రాబట్టింది. తొలి రోజే రూ. 30 కోట్లకుపైగా కలెక్షన్స్ రాబట్టింది. మూడు రోజుల్లోనే ఈ మూవీ రూ.50 కోట్ల మార్కును క్రాష్ చేసింది. అయితే వీకెండ్ కు వచ్చేసరికి ఈ మూవీ కలెక్షన్స్ బాగా పడిపోయాయి. ఎంతలా అంటే మూడు రోజుల్లో రూ.70 కోట్లు కలెక్ట్ చేసిన ఈ చిత్రం.. ఆ తర్వాత పట్టు మని పది కొట్లు కూడా వసూలు చేయలేకపోయింది. ఫైనల్‌ రన్‌లో దాదాపు రూ.12 కోట్లు నష్టాన్ని మిగిల్చినట్లు టాక్. 

లవ్ రొమాంటింక్ ఎంటర్‌టైనర్‌గా తెరకెక్కిన ఈ మూవీ ఎప్పుడెప్పుడు ఓటీటీలోకి వస్తుందా అని మూవీ లవర్స్ ఎంతోగానో ఎదురుచూస్తున్నారు. ఖుషి డిజిటల్ రైట్స్ ను ప్రముఖ ఓటీటీ ఫ్లాట్ ఫామ్ నెట్ ఫిక్స్ దక్కించుకున్న సంగతి తెలిసిందే. గత అర్ధరాత్రి (అక్టోబరు 01) నుంచే ఈ సినిమా నెట్‌ఫ్లిక్స్‌లో స్ట్రీమింగ్‌ అవుతుంది. సరిగ్గా నెల రోజులకు ఈ సినిమా ఓటీటీలోకి వచ్చింది. ప్రస్తుతం ఈ మూవీ తెలుగు, తమిళం, కన్నడ, మలయాళం, హిందీ భాషల్లోఅందుబాటులో ఉండనుంది. మైత్రీ సంస్థ నిర్మించిన ఈ సినిమాకు హేషమ్‌ అబ్దుల్‌ వాహద్‌ సంగీతం అందించారు. ఇందులో సచిన్ ఖేడకర్, మురళీ శర్మ, జయరాం, రోహిణి, వెన్నెల కిషోర్ కీలకపాత్రల్లో నటించారు. థియేటర్లలో మిస్ అయిన వారు ఓటీటీలో చూసి ఎంచెక్కా ఎంజాయ్ చేయండి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.