Mukhya Gamanika Pre Release Event: విరాన్ ముత్తంశెట్టి హీరోగా లావణ్య కథానాయికగా నటించిన మూవీ 'ముఖ్య గమనిక'. రాజశేఖర్, కృష్ణ నిర్మాతలుగా శివిన్ ప్రొడక్షన్స్ బ్యానర్ పై ఈ సినిమా తెరకెక్కింది. వి.మురళీధర్ ఈ సినిమాతో దర్శకుడిగా మెగాఫోన్ పట్టుకున్నారు. తాజాగా ఈ సినిమా ప్రీ రిలీజ్ ఈవెంట్ హైదరాబాద్‌లో గ్రాండ్‌గా జరిగింది. ఈ వేడకలో హీరో విశ్వక్‌సేన్ మాట్లాడుతూ.. నేను విరాన్ జిమ్ మేట్స్ అన్నారు. వెనకాల మంచి ఫ్యామిలీ  బ్యాక్ గ్రౌండ్ ఉన్న సొంతంగా కష్టపడి పై రావాలనుకోవడం ఆషామాషీ కాదన్నారు. ఈనెల 23న ఈ సినిమా గ్రాండ్‌గా విడుదల కాబోతుంది. హీరోగా విరాన్‌కు ఈ సినిమా మంచి సక్సెస్ కావాలని కోరుకుంటున్నానన్నారు.


COMMERCIAL BREAK
SCROLL TO CONTINUE READING

డైరెక్టర్ మురళీధర్ ఈ సినిమా గురించి మాట్లాడుతూ.. డిఫరెంట్ సబ్జెక్ట్‌తో తెరకెక్కిన ఈ సినిమా ప్రేక్షకులకు తప్పకుండా నచ్చుతుందనే ఆషాభావం వ్యక్తం చేసారు. నేను డైరెక్టర్‌గా మారడం వెనక అల్లు అర్జున్ ఉన్నారు. ఇక దర్శకుడిగా తనకు అవకాశం ఇచ్చిన విరాన్‌కు.. నిర్మాతలకు ప్రత్యేక కృతజ్ఞతలు చెబుతున్నాను. మేము అడిగిన వెంటనే ఈ మూవీ ప్రీ రిలీజ్ ఈవెంట్‌కు హాజరైన విశ్వక్‌సేన్‌కు ప్రత్యేక కృతజ్ఞతలు.


కథానాయిక లావణ్య మాట్లాడుతూ.. ఈ నెల 23 నేను నటించిన 'ముఖ్య గమనిక' మూవీ విడుదల కాబోతుంది. రెగ్యులర్ మూవీస్‌లా కాకుండా డిఫరెంట్ కాన్సెప్ట్‌తో తెరకెక్కిన ఈ మూవీ ప్రేక్షకులకు తప్పకుండా నచ్చుతుందన్నారు. ఈ సందర్భంగా తనకు హీరోయిన్‌గా అవకాశం ఇచ్చిన నిర్మాతలకు, దర్శకుడికి ప్రత్యేకంగా థాంక్స్ చెబుతున్నాను.


హీరో విరాన్ ముత్తంశెట్టి మాట్లాడుతూ.. మా సినిమా 'ముఖ్య గమనిక' మూవీని ఆశీర్వదించడానికి వచ్చిన విశ్వక్‌సేన్ అన్నకు స్పెషల్ థాంక్స్. మరోవైపు తనకు అండగా నిలబడ్డ అల్లు అర్జున్, శిరీష్‌లకు ఈ వేదిక సాక్షిగా కృతజ్ఞత తెలుపుతున్నాను. ఈ సినిమాతో ప్రేక్షకులు తనను ఆదరిస్తారనే నమ్మకం ఉందన్నారు. ఇక ఈ సినిమా కోసం పనిచేసిన ప్రతి ఒక్క టెక్నీషియన్ తమ శక్తి వంచన లేకుండా కృషి చేశారు. వారి వల్లే మంచి సినిమా వచ్చిందన్నారు. ప్రేక్షకులకు ఈ సినిమా ఖచ్చితంగా నచ్చుతుందనే ఆశిస్తున్నాను.


Also Read: TDP JanaSena: పార్టీ వీడేవారికి చంద్రబాబు కీలక సూచన.. భవిష్యత్‌కు 'గ్యారంటీ' ప్రకటన


Also Read: New Party: ఆంధ్రప్రదేశ్‌లో మరో పార్టీ.. స్థాపించింది ఎవరు? ఎన్నికల్లో పోటీ చేస్తుందా?



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook