Ali - Pawan Kalyan : మా మధ్య గ్యాప్ లేదు.. క్రియేట్ చేశారు!.. పవన్ కళ్యాణ్‌తో రిలేషన్ మీద అలీ కామెంట్స్

Comedian Ali ABout Relation With Pawan Kalyan పవన్ కళ్యాణ్ తన సినీ కెరీర్ ప్రారంభించిన నాటి నుంచీ అలీతో స్నేహం కొనసాగిస్తూనే ఉన్నాడు. అలీ లేకుండా పవన్ కళ్యాణ్ సినిమాలు చేసిందీ లేదు. అలీకి తన సినిమాలో కచ్చితంగా ఓ పాత్ర ఉండాలని అంటాడు పవన్ కళ్యాణ్‌. ఆ ఇద్దరి కాంబోని ఆడియెన్స్ అంతలా ఎంజాయ్ చేస్తుంటారు. అయితే సినిమాల వరకు వీరి స్నేహం బాగానే ఉంది. రాజకీయాల వల్ల వీరిద్దరి మధ్య స్నేహం చెడినట్టు కనిపిస్తోంది.

రాజకీయ ప్రచారంలో భాగంగా ఓ సారి పవన్ కళ్యాణ్‌ స్నేహితుల గురించి మాట్లాడాడు. తాను అవకాశాలు ఇచ్చిన వారే ఇప్పుడు తన వెంట లేరని, మోసం చేశారంటూ ఇలా చెప్పుకుంటూ పోయాడు. అయితే ఆలీ వాటికి వెంటనే రియాక్ట్ అయ్యాడు. నువ్వు నాకు అవకాశాలు ఇవ్వడం ఏంటి? నీ కంటే ముందు నుంచీ నేను ఇండస్ట్రీలో ఉన్నాను అంటూ  కాస్త పరుషంగానే సమాధానం ఇచ్చాడు. అలా ఈ ఇద్దరి మధ్య కాస్త గ్యాప్ పెరిగింది.

ఆ మధ్య ఓ సారి ఓ పెళ్లిలో కలిసి కనిపించారు. అయితే ఈ మధ్య అలీ కూతురు ఫాతిమా పెళ్లి జరిగింది. ఈ పెళ్లిలో పవన్ కళ్యాణ్‌ కనిపించలేదు. అలీ పిలవలేదని కొందని, పిలిచినా పవన్ కళ్యాణ్‌ వెళ్లలేదని ఇంకొందరు రాసుకొచ్చారు. కానీ అలీ పిలిచాడట, ఫ్లైట్ ఆలస్యం అవ్వడంతో రాలేకపోయాడట. ఈ విషయాలన్నీ అలీ మీడియాతో చెప్పేశాడు. 

తాజాగా ఆలీతో సరదాగా అనే షోకు కాస్త డిఫరెంట్‌గా ప్లాన్ చేశారు. ఎప్పుడూ హోస్ట్ చేసే అలీ గెస్టుగా వచ్చాడు. గెస్టుగా రావాల్సిన సుమ.. హోస్ట్ చేసింది. ఇందులో పవన్ కళ్యాణ్‌ మీద అలీని సుమ ప్రశ్న అడిగింది. మీ మధ్య ఎందుకు గ్యాప్ వచ్చింది? అని సుమ అడిగితే.. అలీ ఇలా చెప్పాడు. మా మధ్య గ్యాప్ రాలేదు.. క్రియేట్ చేశారంటూ చెప్పుకొచ్చాడు. అయితే అది ఎవరు క్రియేట్ చేశారో తెలియాలంటే ఎపిసోడ్ వచ్చే వరకు ఆగాల్సిందే.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.