రానా, మిహికాలకు కొన్నేళ్ల కిందటే పరిచయం: సురేష్ బాబు

టాలీవుడ్‌లో ఈ ఏడాది వరుస పెళ్లి బాజాలు మోగనున్నాయి. రేపు హీరో నిఖిల్ సిద్ధార్థ్ తన ప్రేయసిని వివాహం చేసుకోనున్నాడు. నితిన్ నిశ్చితార్థం చేసుకోగా, లాక్‌డౌన్ వల్ల వివాహం వాయిదా పడింది. నిర్మాత దిల్ రాజు ఇటీవల ఓ ఇంటివాడయ్యారు. ఇప్పుడు టాలీవుడ్ హంక్ రానా దగ్గుబాటి వంతు వచ్చింది. దగ్గుబాటి వారింటి పెళ్లి బాజాలు ఈ ఏడాది చివరిలోపే మోగనున్నాయని తెలుస్తోంది. రానా దగ్గుబాటి లవర్ ఫొటోలు చూశారా!

తన ప్రేయసి, వ్యాపారవేత్త మిహికా బజాజ్ తన ప్రేమను అంగీకరించిందని భళ్లాలదేవుడు రానా తెలిపాడు. ఈ మేరకు సోషల్ మీడియాలో మిహికాతో కలిసి దిగిన ఫొటోను సైతం సంతోషంగా షేర్ చేశాడు. రానా పెళ్లి ఎప్పుడన్న విషయంపై ఆయన తండ్రి, టాలీవుడ్ ప్రముఖ నిర్మాత దగ్గుబాటి సురేష్ బాబు స్పందించారు. ఈ ఏడాదిలోనే కచ్చితంగా రానా పెళ్లి వేడుక జరపనున్నట్లు బాంబే టైమ్స్ ఇంటర్వ్యూలో వెల్లడించారు. లాక్‌డౌన్‌లో పెళ్లి పనులు చక్కబెడతామని చెప్పారు. Photos:  నిర్మాత దిల్ రాజు పెళ్లి ఫొటోలు

‘లాక్‌డౌన్ లాంటి సమయంలో మా కుటుంబానికి ఇది శుభవార్త. అందరం హ్యాపీగా ఉన్నాం. రానా, మిహికాలకు చాలాకాలం నుంచి పరిచయం ఉంది. మేం పెళ్లి పనులపై ఇప్పటినుంచే కసరత్తు చేయాలి. ఈ డిసెంబర్‌లోగా పెళ్లి జరిపిస్తాం. అయితే పెళ్లి తేదీ, ముహూర్తం లాంటివి ఇంకా మాట్లాడుకోలేదు. త్వరలోనే అన్ని విషయాలు వెల్లడిస్తామని’ ఆ ఇంటర్వ్యూలో నిర్మాత సురేష్ బాబు వివరించారు. రానా పెళ్లి చేసుకోబోయే అమ్మాయి ఎవరు, నేపథ్యం వివరాలు..