Ragi Recipe: ఆరోగ్యకరమైన రాగి దోశ తయారు చేసుకోండి ఇలా..!

Ragi Dosa Making Process: సాధారణంగా మనం ఇంట్లో రాగిపిండితో వివిధ రకాల వంటకాలను తయారు చేసుకుంటాం. అయితే రాగిపిండితో చేసే వంటకాలను తీనడం వల్ల  ఆరోగ్యానికి ఎంతో మేలు జరుగుతుంది. ఉదయం ఆరోగ్యకరమైన ఆహారం తీసుకోవడం వల్ల శరీరం చురుకుగా ఉంటుంది. అయితే రాగిపిండితో దోశ‌ను త‌యారు చేయ‌డం వల్ల ఎన్నో మేలు జరుగుతుంది. ఈ రాగి దోశ ఎలా తయారు చేసుకోవాలి అనేది మనం తెలుసుకుందాం..

ఈ దోశ‌ను త‌యారు చేసుకోవడానికి ముందుగా  రాగి పిండిని, పావు కప్పు రవ్వ, ఒక టేబుల్‌ స్పూన్  బియ్యంపిండి, త‌గినంత‌ ఉప్పు, పావు క‌ప్పు పెరుగు పదార్థాలను తీసుకోవాలి. ఈ పదార్థాలతో దోశ ఇలా చేయాలి..

ముందుగా గిన్నెలో రాగిపిండిని తీసుకోవాలి.  ఇందులో ర‌వ్వ‌, బియ్యంపిండి, పెరుగు , ఉప్పు వేసి క‌ల‌పాలి. తరువాత త‌గిన‌న్ని నీళ్లు పోసుకుంటూ ఉండ‌లు లేకుండా క‌లుపుకోవాలి. దోశ పిండి తయారు చేసుకోవాలి. 15 నిమిషాల పాటు పిండిని నాన‌బెట్టాలి. త‌రువాత స్ట‌వ్ మీద పెనాని ఉంచి వేడి చేయాలి.  దోశ వేసేట‌ప్పుడు పెనం కొద్దిగా వేడిగా ఉండేలా చూసుకోవాలి. పిండిని తీసుకుని దోశ లాగా వేసుకోవాలి. త‌రువాత నూనె వేసి కాల్చుకోవాలి. దోశ‌ను రెండు వైపులా కాల్చుకుని ప్లేట్ లోకి తీసుకోవాలి. ఇలా చేయ‌డం వ‌ల్ల రాగి దోశ త‌యార‌వుతుంది.

ఈ విధంగా రాగి పిండితో దోశ‌ల‌ను త‌యారు చేసి తీసుకోవ‌డం వ‌ల్ల ఆరోగ్యాన్ని పొంద‌వ‌చ్చని ఆరోగ్యనిపుణులు చెబుతున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.