India Corona Update: దేశంలో స్థిరంగా కొనసాగుతున్న కరోనా సంక్రమణ, 3 శాతం పెరుగుదల

India Corona Update: కరోనా మహమ్మారి కేసులు దేశంలో ఇంకా స్థిరంగానే కొనసాగుతున్నాయి. కేరళలో నమోదవుతున్న కేసులు ఆందోళన కల్గిస్తున్నాయి. ఓ వైపు వ్యాక్సినేషన్ ప్రక్రియ ముమ్మరంగా కొనసాగుతున్నా..కేసులు పెరగడం కలకలం రేపుతోంది.

ఇండియాలో కరోనా మహమ్మారి(Corona Pandemic) తగ్గుముఖం పట్టలేదు. కరోనా పాజిటివ్ కేసుల సంఖ్య స్థిరంగా కొనసాగుతోంది. గత 24 గంటల్లో దేశంలో 14 లక్షల 48 వేల 833 కోవిడ్ నిర్ధారణ పరీక్షలు నిర్వహించగా..35 వేల 662 కొత్త కేసులు నమోదయ్యాయి. నిన్నటితో పోలిస్తే కాస్త పెరుగుదల కన్పించింది. రోజురోజుకూ కేసుల సంఖ్య పెరగడం ఆందోళన కల్గిస్తోంది. దేశంలో ఇప్పటి వరకూ 3.34 కోట్ల కరోనా కేసులు నమోదు కాగా..గత 24 గంటల్లో 281 మంది కోవిడ్ కారణంగా మరణించారు. ఒక్క కేరళ రాష్ట్రంలోనే 131 మంది మృత్యువాత పడ్డారు. మహారాష్ట్రలో 67 మంది మృతి చెందారు. దేశంలో ఇప్పటి వరకూ 4 లక్షల 44 వేల 539 మంది కరోనాతో మృతి చెందారు. దేశంలో ప్రస్తుతం 3 లక్షల 40 వేల 639 కరోనా యాక్టివ్ కేసులున్నాయి. గత 24 గంటల్లో 1583 కేసులు పెరిగాయి.

మరోవైపు దేశంలో కరోనా రికవరీ రేటు(India Corona Recovery Rate) 97.65 శాతానికి పెరంగింది. గత 24 గంటల్లో దేశవ్యాప్తంగా 33 వేల 798 మంది కోలుకున్నారు. దేశంలో ప్రస్తుతం 3 కోట్ల 26 లక్షల 32 వేల కరోనా రికవరీ కేసులున్నాయి గత 24 గంటల్లో కేసుల సంఖ్య 3 శాతానికి పెరిగింది. ఒక్క కేరళ రాష్ట్రంలోనే అత్యధికంగా 24 గంటల్లో 23 వేల 260 కొత్త కేసులు నమోదయ్యాయి. 3 వేల 586 కేసులతో మహారాష్ట్ర రెండవ స్థానంలో నిలవగా..1669 కేసులతో తమిళనాడు మూడవ స్థానంలో ఉంది. అటు కోవిడ్ వ్యాక్సినేషన్ (Covid Vaccination)ప్రక్రియ కూడా దేశంలో వేగవంతమైంది. నిన్న ఒక్కరోజులోనే 2.5 కోట్లమంది వ్యాక్సిన్ ఇవ్వడం ఓ రికార్డుగా ఉంది. ప్రపంచంలోనే ఇది ఓ రికార్డని అధికారులు వెల్లడించారు. ఎందుకంటే గతంలో చైనా ఒక్కరోజులో 2.47 కోట్లమందికి వ్యాక్సిన్ అందించి రికార్డు సాధించింది. ప్రధానమంత్రి నరేంద్ర మోదీ(Narendra modi) పుట్టినరోజు సందర్బంగా ప్రత్యేక వ్యాక్సిన్ డ్రైవ్ కార్యక్రమాన్ని చేపట్టారు.  

స్థానికం నుంచి అంతర్జాతీయం వరకు..  క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.
Android Link - https://bit.ly/3hDyh4G

Apple Link - https://apple.co/3loQYe