Agni 3 Missile: రక్షణశాఖ అమ్ములపొదిలో మరో అస్త్రం, విజయవంతమైన అగ్ని 3 ప్రయోగం

ఒడిశాలోని ఏపీజే అబ్దుల్ కలాం ఐలాండ్ నుంచి మధ్యంతర శ్రేణి బాలిస్టిక్ క్షిపణి అయిన అగ్ని-3ని విజయవంతంగా ప్రయోగించారు. ఎంపిక చేసిన లక్ష్యాన్ని అగ్ని-3 విజయవంతంగా ఛేదించినట్లు భారత రక్షణ శాఖ తెలిపింది.

భారత రక్షణశాఖ అమ్ములపొదిలో ఇది ఓ మైలురాయిగా చెప్పవచ్చు. స్ట్రాటెజిక్ ఫోర్సెస్ కమాండ్ సాధారణ విధుల్లో భాగంగా మధ్యంతర శ్రేణి బాలిస్టిక్ క్షిపణి అయిన అగ్ని-3ను ఇండియా విజయవంతంగా ప్రయోగించింది. ఆశించిన లక్ష్యాన్ని చేధించిందని భారత రక్షణ శాఖ తెలిపింది. అగ్ని క్షిపణి సిరీస్‌లో ఇది మూడవది. అగ్ని-3ను తొలిసారిగా 2006లో ప్రయోగించినప్పుడు విఫలమైంది. క్షిపణి లక్ష్యాన్ని ఛేదించకుండానే ఒడిశా సముద్రంలో పడిపోయింది. ఆ తరువాత 2007లో రెండవసారి విజయవంతంగా ప్రయోగించారు. ఇక 2008లో కూడా అగ్ని క్షిపణి ప్రయోగం సఫలమైంది. 

అగ్ని-3 క్షిపణి అణు వార్‌హెడ్‌ను కూడా మోసుకెళ్లే సామర్ధ్యాన్ని కలిగి ఉంది. అదే విధంగా 3500 కిలోమీటర్ల దూరంలోని లక్ష్యాన్ని ఛేదించగలదు. ఇది పూర్తి స్వదేశీ పరిజ్ఞానంతో తయారై విజయవంతమైన క్షిపణి కావడం విశేషం.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu