Tourism: పర్యాటక కేంద్రాలుగా లైట్ హౌస్ ల అభివృద్ధి

పర్యాటకాన్ని(Tourism) పెంపొందించేందుకు కేంద్ర ప్రభుత్వం కంకణం కట్టుకుంది. పర్యాటక ప్రాంతాలుగా సరికొత్త ప్రదేశాల్ని ఎంపిక చేస్తూ పర్యాటకుల్ని ఆకర్షించే ప్రయత్నం చేస్తోంది. ఇందులో భాగంగా దేశ వ్యాప్తంగా ఉన్న ఆ లైట్ హౌస్ లను ఎంపిక చేసింది. ఇకపై ఆ లైట్ హౌస్ లు ప్రముఖ పర్యాటక కేంద్రాలుగా (Lighthouses as Tourism centres) విరాజిల్లనున్నాయి.

ఇప్పటివరకూ పర్యాటకేంద్రాలుగా చూస్తూ వచ్చిన వాటి జాబితాలో ఇకపై లైట్ హౌస్ లు చేరనున్నాయి. దేశవ్యాప్తంగా ఉన్న లైట్ హౌస్ ( Light house) లను ప్రముఖ పర్యాటక కేంద్రాలుగా అభివృద్ధి చేయాలని కేంద్రం నిర్ణయించింది. దేశంలో ఉన్న 194 లైట్ హౌస్ ( 194 Light Houses) లను అతి పెద్ద పర్యాటక ప్రాంతాలు ( Biggest Tourism centres) గా తీర్దిదిద్దాలని కేంద్ర నౌకాయాన శాఖ ( Central Minister for Shipping) మంత్రి మాన్సుఖ్ మాండవియా ( Mansukh Mandaviya) సూచించారు. మంగళవారం నాడు జరిగిన హై లెవెల్ మీటింగ్ లో ఈ నిర్ణయం తీసుకున్నారు. మ్యూజియం, అక్వేరియం, చిల్డ్రన్ ప్లే ఏరియా, గార్డెన్స్ , వాటర్ పార్క్స్ వంటి నిర్మాణం ద్వారా పెద్దఎత్తున లైట్ హౌస్ లను ఆకర్షించే ప్రయత్నం చేయనున్నారు. లైట్ హౌస్ సమీప ప్రాంతాల్ని అభివృద్ధి చేయడం ద్వారా లైట్ హౌస్ ల ప్రాముఖ్యత, చరిత్ర గురించి తెలుసుకునే అవకాశం ఉంటుందని  కేంద్ర మంత్రి మాండవియా తెలిపారు. దీనికోసం  వందేళ్ల కంటే ఎక్కువ చరిత్ర ఉన్న లైట్ హైౌస్ లను గుర్తించనున్నారు. లైట్ హోస్ ల పనితీరు, చరిత్ర, ప్రాముఖ్యత, పనిచేస్తున్న లైట్ హౌస్ ల గురించి మ్యూజియంలలో పొందుపర్చనున్నారు. గుజరాత్ ( Gujarath) లో గోప్ నాధ్, ద్వారకా,వెరవల్ లైట్ హౌస్ ల అభివృద్ధి గురించి మంత్రి మాండవియా అడిగి తెలుసుకున్నారు. Also read: CAPF: కేంద్ర భద్రతాబలగాలకు కరోనా సెగ: 27 మంది మృతి