Sharad Pawar : శరద్ పవార్ కాన్వాయ్‌లో ప్రమాదం.. త్రుటిలో తప్పిన ముప్పు
నేషనల్ కాంగ్రెస్ పార్టీ (NCP) ఎన్సీపి నేత శరద్ పవార్‌కు ప్రమాదం తప్పింది. పుణేలో ఆయన ప్రయాణిస్తున్న కాన్వాయ్‌లో ఒక పోలీసు వాహనం బోల్తా పడింది.
ఎన్సీపి ( Nationalist Congress Party ) నేత శరద్ పవార్ ( Sharad Pawar )కు పెను ప్రమాదం తప్పింది. ఆయన ప్రయాణిస్తున్న కాన్వాయ్‌లో ఒక పోలీసు పైలట్ వాహనం ఉదయం 9.30 గంటలకు బోల్తా పడింది. ఈ ప్రమాదం ముంబై - పుణే ఎక్స్‌ప్రెస్ వేలో ఖండాలా వద్ద జరిగింది. శరత్ పవార్ ప్రయాణిస్తున్న వాహన శ్రేణిలో ఒక కారు అదుపు తప్పి బోల్తా కొట్టింది. అయితే అప్పటికే శరద్ పవార్ వాహనం ముందుకు వెళ్లిపోయింది. Also Read : హోంమంత్రి మహమూద్ అలీకి కరోనా పాజిటివ్
ఈ ప్రమాదంలో పోలీసు వాహనాన్ని నడిపిస్తున్న డ్రైవర్‌తో పాటు కొంత మంది పోలీసులకు గాయాలయ్యాయి. ప్రమాదం గురించి తెలుసుకున్న స్థానిక పోలీసులు ఘటనా స్థలానికి చేరుకుని గాయపడిన వారిని ఆసుపత్రికి తరలించారు. వైద్యులు వారికి చికిత్స అందిస్తున్నారు.