Good News: పెట్రోల్ పై రూ. 25 తగ్గించిన రాష్ట్రం.. జనవరి 26 నుండి అమల్లోకి..

Jharkhand Petrol Price: ద్విచక్రవాహనదారులకు గుడ్ న్యూస్. జార్ఖండ్‌లో పెట్రోల్, డీజిల్ ధరలను లీటరుకు రూ.25 తగ్గించినట్లు ఆ రాష్ట్ర ముఖ్యమంత్రి హేమంత్ సోరెన్ (CM Hemant Soren) ప్రకటించారు. మోటార్​సైకిళ్లు, స్కూటీల్లో పెట్రోల్​ కొట్టించేవారికి లీటరుకు రూ.25 రాయితీ (Petrol discount) ఇవ్వనున్నట్లు తెలిపింది. ఈ నిర్ణయం జనవరి 26 నుంచి అమల్లోకి వస్తుందని సీఎం కార్యాలయం ఓ ప్రకటనలో తెలిపింది. పెట్రో ధరల తగ్గింపు పేదలకు లేదా దారిద్య్రరేఖకు దిగువన ఉన్నవారికి మాత్రమే వర్తిస్తుందని అధికారులు వెల్లడించారు. 

జార్ఖండ్‌లోని తన ప్రభుత్వం రెండేళ్లు పూర్తి చేసుకున్న సందర్భంగా సీఎం హేమంత్ సొరేన్ ఈ ప్రకటన చేశారు. ద్విచక్ర వాహనంలో నింపిన ప్రతి లీటరుకు 25 రూపాయల నగదు ప్రజల బ్యాంకు ఖాతాలకు బదిలీ చేయబడుతుంది. గరిష్టంగా 10 లీటర్ల వరకు ఈ రాయితీ పొందవచ్చు. దేశవ్యాప్తంగా పెట్రోల్ ధరలు రేటు (Petrol Rates) దాదాపు వంద రూపాయలుగా ఉంది. ఓ పక్క ఒమిక్రాన్ తో ఆర్థిక వ్యవస్థలు అతలాకుతలమవుతున్నాయి. ఇటువంటి సమయంలో జార్ఖండ్ ప్రభుత్వం (Jharkhand  Govt) తీసుకున్న నిర్ణయం సాహసమనే చెప్పాలి.  పెట్రో ధరల భారంతో విలవిల్లాడుతున్న వాహదారులకు ఇది కాస్త ఉపశమనం కలిగించే విషయం.  

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe