Vasista: డిఫరెంట్ కాన్సెప్ట్ తో వస్తోన్న ‘వశిష్ఠ’ మూవీ.. పూజా కార్యక్రమాలతో ప్రారంభం..

Vasista: సుమన్ తేజ్, అను శ్రీ  హీరో హీరోయిన్లు గా యాక్ట్ చేస్తోన్న చిత్రం ‘వశిష్ఠ’.  బేబి నేహా సమర్పణలో లిటిల్ బేబీస్ క్రియేషన్స్ బ్యానర్ పై నోరి నాగప్రసాద్ ఈ చిత్రాన్ని భారీ ఎత్తున నిర్మిస్తున్నారు. మైథలాజికల్ సోషల్ డ్రామా స్టోరీతో డైరెక్టర్   హరీశ్ చావా ఈ చిత్రాన్ని తెరకెక్కిస్తున్నాడు. తాజాగా ‘వశిష్ఠ’ టైటిల్ తో తెరకెక్కుతోన్న చిత్రం ఆదివారం పూజా కార్యక్రమాలతో  హైదరాబాద్ లో ప్రసాద్ ల్యాబ్స్  ప్రారంభమైంది. తాజాగా జరిగిన  ఈ కార్యక్రమంలో పలువురు సినీ ప్రముఖులు ఛీఫ్ గెస్ట్ లుగా హాజరయ్యారు. తెలుగు టెలివిజన్ అసోసియేషన్ ఫౌండర్ ప్రెసిడెంట్ నాగబాల సురేష్ కుమార్ ముహూర్తపు సన్నివేశానికి క్లాప్ ఇచ్చారు.  నిర్మాత లయన్ సాయివెంకట్ స్క్రిప్ట్ అందజేశారు. నటుడు గగన్ విహారి కెమెరా స్విచ్ఛాన్ చేశారు. యాడ్ ఫిలింమేకర్ యమున కిషోర్ ఫస్ట్ షార్ట్ డైరెక్షన్ చేశారు.

ఈ సందర్భంగా డీవోపీ కార్తీక్ గరిమెల్ల మాట్లాడుతూ - వశిష్ఠ సినిమాకు పనిచేసే ఛాన్స్  రావడం ఎంతో సంతోషంగా ఉందన్నారు.  ఈ అవకాశం కల్పించిన  దర్శకుడు హరీశ్ , నిర్మాత నాగప్రసాద్ కి ధన్యవాదాలు తెలిపారు.  ఈ చిత్రంలో విజువల్స్ కు మంచి ఇంపార్టెన్స్ ఉంటుంది.  వశిష్ఠ మూవీ సినిమాటోగ్రాఫర్ గా నాకు మంచి గుర్తింపు తీసుకొస్తుందనే ఆశాభావం వ్యక్తం చేశారు.  

నటి అనిత మాట్లాడుతూ - వశిష్ఠ సినిమాలో మంచి పాత్రలో  యాక్ట్ చేస్తున్నాను. ఈ క్యారెక్టర్ లో నటించే అవకాశం ఇచ్చిన దర్శక, నిర్మాతలకు ప్రత్యేక కృతజ్ఞతలు తెలియజేసారు.

నిర్మాత లయన్ సాయివెంకట్ మాట్లాడుతూ.. వశిష్ఠ పోస్టర్ చూస్తుంటే హనుమాన్ సినిమా గుర్తుకు వస్తోందన్నారు. హనుమాన్ మూవీ లాగే ఈ సినిమా కూడా బ్లాక్ బస్టర్ సక్సెస్ అందుకోవాలని కోరుకుంటున్నాను.

డైరెక్టర్ హరీశ్ చావా మాట్లాడుతూ - మా వశిష్ఠ మూవీ ప్రారంభోత్సవానికి వచ్చిన ప్రతి ఒక్కరికీ పేరు పేరునా ధన్యవాదాలు.   విలేజ్ బ్యాక్ డ్రాప్ లో సాగే సోషల్ డ్రామా ఇది. ఔట్ అండ్ ఔట్ యాక్షన్ ఎంటర్ టైనర్ మూవీగా ఈ చిత్రం తెరకెక్కుతోంది. కథ వినగానే సింగిల్ సిట్టింగ్ లో మా హీరో సుమన్ తేజ్  ఓకే చేశారు. మంచి టీమ్ నాకు సపోర్ట్ గా దొరికిందన్నారు.  

హీరో సుమన్ తేజ్ మాట్లాడుతూ - నేను ఇప్పటికే మూడు సినిమాల్లో యాక్ట్ చేశాను. రంగస్థలం లాంటి బ్యాక్ డ్రాప్ మూవీలో నటించాలనే కోరిక ఎప్పటి నుంచో ఉండేది. వశిష్ఠ మూవీ కథ విన్నప్పుడు నేను కోరుకున్న స్క్రిప్ట్ అనే ఫీల్ కలిగింది. వశిష్ఠ టైటిల్ లోనే ఒక పాజిటివ్ వైబ్ ఉంది. ఈ సినిమా ప్రేక్షకులకు ఖచ్చితంగా నచ్చతుందన్నారు.

ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..

ఇదీ చదవండి : Balayya Heroine: ఎఫైర్స్ తో టాక్ ఆఫ్ ది ఇండస్ట్రీగా నిలిచిన బాలయ్య భామ.. మైండ్ బ్లాంక్ చేస్తోన్న హీరోయిన్ ఫ్లాష్ బ్యాక్..

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.