NTR31: జూ.ఎన్టీఆర్ పక్కన ఛాన్స్ కొట్టేసిన సెన్సేషనల్ హీరోయిన్.. ఏకంగా ప్రశాంత్ నీల్ దర్శకత్వంలో..!

ప్రశాంత్ నీల్ గురించి తెలుగు ప్రేక్షకులకు సైతం పరిచయాలు అవసరం లేదు. కే జి ఎఫ్ సినిమాతో.. ప్రపంచవ్యాప్తంగా సెన్సేషన్ క్రియేట్ చేశారు ఈ డైరెక్టర్. కాగా ఈ డైరెక్టే తన తదుపరి సినిమాని జూనియర్ ఎన్టీఆర్ తో ప్లాన్ చేస్తున్నారు. అయితే ఈ సినిమాలో ఛాన్స్ కొట్టేసింది.. సెన్సేషనల్ హీరోయిన్ రుక్మిణి వసంత్. 

ప్రశాంత్ నీల్ కే.జి.ఎఫ్ సినిమా తరువాత.. ప్రభాస్ తో తీసిన సలార్ అయితే మంచి విజయాన్ని అందించింది. ఇక ఈ చిత్రం తరువాత మరలా తెలుగు హీరో జూనియర్ ఎన్టీఆర్ తో.. చేతులు కలిపారు ఈ దర్శకుడు. 

ఇప్పటికే జూనియర్ ఎన్టీఆర్ నటించిన దేవర చిత్రం సెన్సేషనల్ విజయం సాధించడంతో.. జూనియర్ ఎన్టీఆర్ 31వ చిత్రంపై అంచనాలు మరింత పెరిగాయి. తెలుగు ప్రేక్షకులే కాకుండా.. అన్ని భాషల వారు ఈ సినిమా కోసం ఎంతగానో ఎదురుచూస్తున్నారు. అలాంటి ఈ చిత్రంలో ఛాన్స్ కొట్టేసింది.. రుక్మిణి వసంత్.

శాండల్ వుడ్‌లో ఈమధ్య బాగా వినిపిస్తోన్న పేరు రుక్మిణి వసంత్. సప్త సాగరదాచే ఎల్లో – సైడ్ A సినిమాతో ఈ హీరోయిన్ మంచి పేరు తెచ్చుకుంది. దాని సీక్వెల్‌ గా వచ్చిన సైడ్ బి లో కూడా తన అద్భుతమైన నటన చూపించి అందరిని ఆకట్టుకుంది.

ఈ చిత్రం తెలుగులో సప్త సాగరాలు దాటి అనే పేరుతో.. విడుదలై పర్వాలేదు అనిపించుకుంది. తెలుగులో ఈ చిత్రానికి పెద్ద పేరు రాకపోయినా రుక్మిణ వాసంత్ కి మాత్రం అభిమానులు వచ్చారు.

ప్రస్తుతం రుక్మిణి వసంత్ తమిళంలో కూడా నటిస్తోంది. శివకార్తికేయన్‌తో కలిసి త్వరలోనే స్క్రీన్ షేర్ చేసుకోనుంది ఈ హీరోయిన్. ఈ క్రమంలో ఇప్పుడు తెలుగులో సైతం డెబ్యూ ఇవ్వనుంది. అది కూడా ఏకంగా జూనియర్ ఎన్టీఆర్, ప్రశాంత్ నీల్ సినిమాతో. ఈ విషయం తెలిసి ఈమె అభిమానులు తెగ సంబరపడిపోతున్నారు.