RAPO22: మైత్రీ నిర్మాణంలో రామ్ పోతినేని, భాగ్యశ్రీ బోర్సే జంటగా కొత్త సినిమా పూజా కార్యక్రమాలతో ప్రారంభం..

RAPO22: రామ్ హీరోగా భాగ్యశ్రీ బోర్సే హీరో, హీరోయిన్లుగా కొత్త చిత్రం ఈ గురువారం పూజా కార్యక్రమాలతో లాంఛనంగా ప్రారంభమైంది. మహేష్ బాబు పి డైరెక్ట్ చేస్తున్నారు. నవీన్ యెర్నేని, రవిశంకర్ యలమంచిలి నిర్మాతలుగా మైత్రీ మూవీ మేకర్స్ బ్యానర్ పై ఈ చిత్రాన్ని నిర్మిస్తున్నారు.

హీరోగా రామ్ 22వ చిత్రమిది. #RAPO22లో రామ్ సరసన మిస్టర్ బచ్చన్ ఫేమ్ భాగ్యశ్రీ బోర్సే కథానాయికగా నటిస్తోంది.     రామ్ పోతినేని, భాగ్యశ్రీ బోర్సే మీద చిత్రీకరించిన ముహూర్తపు సన్నివేశానికి డైరెక్టర్ గోపీచంద్ మలినేని కెమెరా స్విచ్ఛాన్ చేసారు.

దర్శకుడు హను రాఘవపూడి క్లాప్ ఇచ్చారు. తొలి సీన్ కు డైరెక్టర్ వెంకీ కుడుముల గౌరవ దర్శకత్వం వహించారు. చిత్ర దర్శకుడు మహేష్ బాబుకు మైత్రీ మూవీ మేకర్స్ నిర్మాతలు నవీన్ యెర్నేని, రవిశంకర్ యలమంచిలితో పాటు ఆ సంస్థ సీఈవో చెర్రీ, దర్శకులు గోపీచంద్ మలినేని, హను రాఘవపూడి, వెంకీ కుడుముల, శివ నిర్వాణ, పవన్ సాధినేని స్క్రిప్ట్ అందజేశారు.

ఫీల్ గుడ్ అండ్ క్రేజీ ఎంటర్‌టైనర్‌గా ఈ సినిమాను తెరకెక్కించబోతున్నట్టు చెప్పారు.ఈ సినిమా కోసం రామ్ సరికొత్త గెటప్ లో కనిపించబోతున్నాడు. 'మిస్ శెట్టి మిస్టర్  పోలిశెట్టి' సక్సెస్ తర్వాత దర్శకుడు మహేష్ బాబు పి తెరకెక్కిస్తున్న చిత్రమిది.

యూత్ ను  ఆకట్టుకునే అంశాలతో పాటు చక్కటి కథ, కథనాలతో ఈ సినిమా తెరకెక్కించబోతున్నట్టు దర్శక నిర్మాతలు తెలిపారు. ఇతర నటీనటులు, సాంకేతిక నిపుణుల వివరాలను త్వరలో వెల్లడిస్తామని వివరించారు.

రామ్ పోతినేని, భాగ్యశ్రీ బోర్సే జంటగా నటించనున్న ఈ చిత్రానికి నిర్మాణ సంస్థ: మైత్రీ మూవీ మేకర్స్, నిర్మాతలు: నవీన్ యెర్నేని, రవిశంకర్ యలమంచిలి, కథ, కథనం, దర్శకత్వం: మహేష్ బాబు పి. ఈ మూవీ ఓపెనింగ్  వేడుకలో దర్శకులు గోపీచంద్ మలినేని, హను రాఘవపూడి, వెంకీ కుడుముల, శివ నిర్వాణ, పవన్ సాధినేనితో పాటు మైత్రీతో  సినిమాలను నిర్మించే దర్శకులు బృందం పాల్గొంది.