Google Trending Videos: ప్లాస్టిక్ డబ్బాలో తలపెట్టిన చిరుత పులి పిల్ల.. తర్వాత ఏం జరిగిందంటే..

Google Trending Videos: మనుష్యుల నిర్లక్ష్యం ఓ చిరుతపులి పిల్లకు ప్రాణాంతకంగా మారింది. ప్లాస్టిక్ కంటైనర్‌లో తలదూర్చి రెండ్రోజులపాటు నరకయాతన పడింది. ఆ వీడియో ఓసారి చూద్దాం.

ఇది మహారాష్ట్ర థానే జిల్లాలోని  బద్లాపూర్ అటవీ ప్రాంతంలో జరిగింది. ఓ చిరుత పులి పిల్ల పొరపాటున ఓ ప్లాస్టిక్ కంటైనర్‌లో తల దూర్చేసింది. పెను సవాలుతో కూడిన ఈ రెస్క్యూ ఆపరేషన్‌లో అటవీశాఖ అధికారులు, వాలంటీర్లు, గ్రామస్థులు స్వచ్ఛంధంగా పాల్గొన్నారు. అతికష్టంగా సంక్లిష్టంగా 48 గంటల సమయం తరువాత ఆ చిరుతకు ప్లాస్టిక్ కంటైనర్ నుంచి విముక్తి లభించింది. కంటైనర్‌లో తల చిక్కుకుపోవడంతో శ్వాసకు, ఆహారానికి, నీటికి రెండ్రోజులపాటు ఇబ్బంది పడింది ఆ చిరుత పులి పిల్ల. 

వాస్తవానికి మొన్న ఆదివారం అంటే ఫిబ్రవరి 13వ తేదీ రాత్రి థానే జిల్లాలోని బద్లాపూర్ గ్రామంలో ప్లాస్టిక్ కంటైనర్‌లో తల ఇరుక్కుపోయిన చిరుత పులి పిల్ల కన్పించింది. ఓ కారులోంచి వీడియో తీశాడు. చిరుత పులి పిల్లను రక్షించేందుకు ప్రయత్నించాడు. అటవీ శాఖాధికారులు అక్కడికి చేరుకునేలోగా..అడవిలో వెళ్లిపోయింది. ఆ తరువాత అటవీ శాఖ అధికారులు, సంజయ్ గాంధీ నేషనల్ పార్క్ , వైల్డ్‌లైఫ్ వెల్ఫేర్ అసోసియేషన్ సభ్యులు, గ్రామస్థులు అక్కడికి చేరుకుని..రెస్క్యూ ఆపరేషన్ ప్రారంభించారు. పెట్రోలింగ్ నిర్వహించారు. దాదాపు 30 మంది అడవిలో ఆ చిరుత పులి పిల్ల కోసం అణ్వేషణ ప్రారంభించారు.

ఒకవేళ ఆ చిరుత పులి పిల్ల నివాస ప్రాంతాల్లో ప్రవేశిస్తే..చుట్టూ పట్టణ, గ్రామీణ ప్రాంతాలతో రద్దీగా ఉండే ప్రాంతంలో పట్టుకోవడం చాలా కష్టంగా మారుతుందనే ఆందోళన నెలకొంది. అయితే మంగళవారం అంటే 15వ తేదీ రాత్రి ఆ చిరుతపులి పిల్ల బద్లాపూర్ గ్రామంలో కన్పించిందంటూ ఫోన్ వచ్చింది. వెంటనే అక్కడికి చేరుకున్న రెస్క్యూ సిబ్బంది మత్తు ఇంజక్షన్ ఇచ్చారు. స్పృహ కోల్పోయిన తరువాత నెమ్మదిగా ప్లాస్టిక్ కంటైనర్‌ను తొలగించారు. 24-48 గంటలు అబ్జర్వేషన్‌లో ఉంచాలని అధికారులు చెప్పారు. ఎట్టకేలకు 48 గంటల పాటు తాగునీటికి, శ్వాసకు, ఆహారానికి ఇబ్బంది పడిన చిరుత పులి(Leopard) పిల్లకు విముక్తి లబించింది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe