Shark eats Russian Tourist: యువకుడిని అమాంతం మింగేసిన షార్క్.. వైరల్ అవుతున్న వీడియో

Shark eats Russian Tourist in Egypt Coast: రోజూ సోషల్ మీడియాలో ఎన్నో వీడియోలు వైరల్ అవుతున్నాయి. తాజాగా ఓ వీడియో ఇంటర్నెట్ ను షేక్ చేస్తోంది. ఓ యువకుడిని సొరచేప అమాంతం నమిలి మింగేసింది.  ఆ యువకుడు ఎంత ప్రయత్నించినప్పటికీ సొర చేప నుంచి తప్పించుకోలేకపోయాడు. ఈ వీడియో నెట్టింటలో విపరీతంగా ట్రెండ్ అవుతోంది.

జూన్ 08న  పొపొవ్ అనే రష్యన్ యువకుడు ఈత కోసం సముద్రంలోకి దిగాడు. అయితే ఆ సమయంలో తన దగ్గరకు వచ్చిన సొరచేపను అతడు గుర్తించలేకపోయాడు. స్థానికులు చూస్తుండగానే ఆ షార్క్ యువకుడిని పొట్టనబెట్టుకుంది. ఈ ఘటన ఈజిప్టులోని హుర్గడా నగరంలోని ఓ రిసార్టు సమీపంలో జరిగింది. ఆ యువకుడి వయసు 23 ఏళ్లు.

ఆ షార్ కోసం బోట్ల సహాయంతో స్థానిక అధికారులు గాలించారు. చివరకు సొరచేపను వలల సహాయంతో పట్టుకుని దానిని పట్టి చంపారు. దీంతో ఆ సొరచేపను కోయగా.. ఆ యువకుడి శరీర భాగాలను అందులో గుర్తించారు. ఆ వ్యక్తిని షార్ మింగేటప్పుడు అతని తండ్రి అక్కడే ఉన్నాడు. తాజా ఘటనతో ఆ కుటుంబం విషాదంలో మునిగిపోయింది. నీళ్లున్న ప్రాంతాలకు వెళ్లేటప్పుడు జాగ్రత్తగా ఉండాలని అధికారులు సూచిస్తున్నారు. ఈ వీడియోపై నెటిజన్లు తమదైన శైలిలో కామెంట్లు చేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.