Hungry Cobra Eating Food: నాగుపాము ఎపుడైన ఫుడ్ తినటం చూసారా..? వీడియో చూస్తే గుండెలు అదరటం ఖాయం

Big Cobra Eating Food Video: నాగుపాము చూస్తేనే ఎవరికైనా ఒళ్లు జలదరిస్తుంది. నాగుపాము పడగ విప్పిందా.. ఇక ఆమడదూరం పరుగెత్తుతారు. ఆ కనుచూపు మేరల్లో మళ్లీ వెళ్లమన్నా వెళ్లరు. పాములంటే కొంతమందికి అంత భయం. మరీ ముఖ్యంగా నాగుపాము లాంటి విషపూరితమైన సర్పాలను చూస్తే ఆ భయం చాలామందిలో కనిపిస్తుంది. కానీ కొంతమందికి మాత్రం ఆ పాములతోనే జీవిత కాలం గడిచిపోతుంది. పొద్దున్నే నిద్ర లేచింది మొదలు.. పడుకునే వరకు.. ఆ పాములతోనే వారి జీవితం ముడిపడి ఉంటుంది. 

అంటే ఒక్క ముక్కలో చెప్పాలంటే పాములు పట్టడం, పాములకు ఫీడింగ్ చేయడం, పాములను ఆడించడం, పాముల సంరక్షణ బాగోగులు చూడటం వంటి పనులు ఆ కోవలోకి వచ్చేవే. అందుకే వారికి పాములు అంటే ఏ మాత్రం భయం ఉండదు. ఒక్క పామును చూస్తేనే భయంతో అల్లంత దూరం పరుగెత్తే వారికి, వందలాది పాముల మధ్య ఉన్నప్పటికీ.. పెంపుడు జంతువుల మధ్య ఉన్నంత కూల్ గా ఉండే వీరికి మధ్య ఉండే తేడా అదే. 

ఇప్పుడు మీరు చూడబోయే వీడియో ఒక డేంజరస్ స్నేక్ వీడియో. ఆరు, ఏడు అడుగుల పొడవు ఉన్న భయంకరమైన నాగు పాముల మధ్య ఉంటూ వాటికి మాంసం ముక్కలను ఫీడింగ్ చేస్తున్న ఈ వ్యక్తి ధైర్యాన్ని చూస్తే మీరు నోరెళ్లబెట్టడం ఖాయం. అక్కడ ఏర్పాటు చేసిన డబ్బాల్లో ఉన్న భయంకరమైన నాగు పాములను ఒక్కొక్కటిగా బయటికి తీస్తున్న ఆ వ్యక్తి.. వాటికి ఆహారం అందిస్తున్నాడు. కానీ ఒక్క పాముకు మాత్రం ఆహారం అందివ్వడం ఆలస్యం చేశాడు. సోషల్ మీడియాలో వైరల్ అవుతున్న ఈ వీడియోపై మీరు కూడా ఒక లుక్కేయండి.

చూశారు కదా ... కళ్ల ముందే ఆహారం ఉన్నప్పటికీ ... ఆ ఆహారాన్ని తిననివ్వకుండా ఆలస్యం చేస్తున్న యజమానిని చూసి ఆగ్రహం చెందిన కింగ్ కోబ్రా.. వెంటనే యజమానిపైకి బుసలు కొట్టడం ఈ వీడియోలో చూడొచ్చు. అంతిమంగా ఆహారం తిన్న తరువాతే.. ఆ పాము శాంతించింది. అలా రోజూ పాముల మధ్యే జీవితాన్ని గడిపేస్తున్న వారి ధైర్యాన్ని మెచ్చుకోవాల్సిందే. ఎందుకంటే ఏ మాత్రం తేడా వచ్చినా ఆ పాము కాటుకు బలి కావాల్సిందే. అలా పాముల మధ్యే జీవితాన్ని గడిపేస్తూ చివరకు ఆ పాము కాటుకు బలైన వారి కేసులు కూడా ఎన్నో ఉన్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.