Aja Ekadashi 2022: అజ ఏకాదశి ఎప్పుడు? పూజ ముహూర్తం, పారణ సమయం, ప్రాముఖ్యత తెలుసుకోండి

Aja Ekadashi 2022 Date:  భాద్రపద మాసంలో వచ్చే కృష్ణ పక్ష ఏకాదశినే అజ ఏకాదశి (Aja Ekadashi 2022) అంటారు. ఈ రోజున ఉపవాసం ఉండి.... శ్రీమహావిష్ణువును పూజించడం వల్ల సర్వపాపాలు నశిస్తాయి. ఈ వ్రతం చేస్తే అశ్వమేధ యాగం చేసినంత పుణ్యం లభిస్తుందని నమ్ముతారు. అజ ఏకాదశి ఎప్పుడు, శుభముహూర్తం గురించి తెలుసుకుందాం.  

అజ ఏకాదశి తేదీ

పంచాంగం ప్రకారం, భాద్రపద మాసం కృష్ణ పక్ష ఏకాదశి ఆగస్టు 22, సోమవారం తెల్లవారుజామున 03:35 గంటలకు ప్రారంభమై.. 23వ తేదీ మంగళవారం ఉదయం 05:06 గంటలకు ముగుస్తుంది. ఈ రోజు సూర్యాస్తమయం 5:54 గంటలకు జరుగుతుంది. ఉదయతిథి ఆధారంగా ఆగష్టు 23న అజ ఏకాదశి ఉపవాసం పాటిస్తారు. 

అదే రోజు రెండు శుభయోగాలు
అజ ఏకాదశి రోజునే సిద్ధి మరియు త్రిపుష్కర యోగాలు ఏర్పడుతున్నాయి. ఈ రెండు యోగాలూ పూజా పరంగా శుభప్రదమైనవి. ఆగస్టు 23న ఉదయం నుంచి మధ్యాహ్నం 12.38 వరకు సిద్ధి యోగం. మరోవైపు, త్రిపుష్కర యోగం ఆగస్టు 24 ఉదయం 10:44 నుండి ఉదయం 05:55 వరకు ఉంటుంది.

ఏకాదశి పూజ సమయాలు
ఆగష్టు 23న ఏకాదశి వ్రతాన్ని ఆచరించే వారు ఉదయాన్నే శ్రీమహావిష్ణువును పూజించాలి. ఆ సమయంలో సిద్ధి యోగం, త్రిపుష్కర యోగం ఉంటాయి. ఈ రోజున రాహుకాలం మధ్యాహ్నం 03:38 నుండి 05:15 వరకు.

అజ ఏకాదశి ఉపవాస సమయం
అజ ఏకాదశి వ్రతం పాటించేవారు ఆగస్టు 24వ తేదీ ఉదయం 05:55 గంటల నుండి 08:30 గంటల వరకు వ్రతాన్ని పూర్తి చేయాలి. ఈ రోజున, ద్వాదశి తిథి ఉదయం 08:30 వరకు మాత్రమే. ఆరోగ్య కారణాల వల్ల ఏకాదశి ఉపవాసం ఉండలేని వారు అజ ఏకాదశి ఉపవాస కథను వినండి లేదా చదవండి. దీని వల్ల అశ్వమేధ యాగంతో సమానమైన పుణ్యం లభిస్తుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.   

Android Link - https://play.google.com/store/apps/details?id=com.indiadotcom.zeetelugu

Apple Link - https://apps.apple.com/in/app/zee-telugu-news/id1633190712