February Rasi Phalalu 2024: ఫిబ్రవరి నెల రాశి ఫలాలు..ఈ రాశులవారికి డబ్బే డబ్బు!

Monthly Horoscope February 2024: జ్యోతిష్య శాస్త్రం ప్రకారం ఫిబ్రవరి నెల కొన్ని రాశుల వారికి ఎంతో శుభప్రదంగా ఉండబోతోంది. ఎందుకంటే జ్యోతిష్య శాస్త్రంలో కొన్ని ప్రాముఖ్యత కలిగిన గ్రహాలు ఇదే నెలలో రాశి సంచారం చేయబోతున్నాయి. ముఖ్యంగా అతిపెద్ద గ్రహాల కదలికల్లో కూడా ఊహించని మార్పులు రాబోతున్నాయి. కాబట్టి ఈ నెల కొన్ని రాశుల వారికి శుభప్రదంగా ఉంటే మరికొన్ని రాశుల వారికి మిశ్రమ లాభాలు కలుగుతాయని జ్యోతిష్య శాస్త్ర నిపుణులు చెబుతున్నారు. ఫిబ్రవరి నెల ఏయే రాశుల వారికి ఎలా ఉండబోతుందో ఇప్పుడు మనం తెలుసుకుందాం:

మేష రాశి:
ఫిబ్రవరి నెల మేష రాశివారికి చాలా శుభప్రదంగా ఉంటుంది. కానీ ఆరోగ్యం పట్ల ప్రత్యేక శ్రద్ద తీసుకోవాల్సి ఉంటుంది. లేకపోతే ఆరోగ్యం మరింత క్షీణించే అవకాశాలు ఉన్నాయి. అంతేకాకుండా కుటుంబ సభ్యుల ఆరోగ్యపై కూడా జాగ్రత్తలు వహించాలి. వ్యాపారాల్లో పెట్టుబడులు పెడుతున్నవారికి హెచ్చుతగ్గులు వచ్చే ఛాన్స్‌ ఉంది. ఉద్యోగాలు చేసేవారు కష్టపడి పని చేస్తే విజయాలు తప్పకుండా సాధిస్తారు. 

వృషభ రాశి:
ఈ నెల వృషభ రాశివారికి కూడా చాలానే బాగుంటుంది. ఫిబ్రవరి మొదటి వారం వీరు ఊహించని లాభాలు పొందుతారు. అంతేకాకుండా ఉద్యోగాలు చేసేవారికి ఈ సమయం చాలా అనుకూలంగా ఉంటుంది. అలాగే ఉద్యోగాలు కూడా మరొచ్చు. సహోద్యోగుల నుంచి సపోర్ట్‌ లభించి మంచి ఫలితాలు పొందుతారు. ఆరోగ్య పరంగా ఎలాంటి లోటు ఉండదని జ్యోతిష్య శాస్త్ర నిపుణులు తెలుపుతున్నారు. కుటుంబంలో శుభ కార్యాలు జరిగే అవకాశాలు ఉన్నాయి. అంతేకాకుండా నెలవారి ఆదాయం కూడా పెరుగుతుంది. 

మిథున రాశి:
ఫిబ్రవరి నెల మిథున రాశివారికి కూడా చాలా శుభప్రదంగా ఉంటుందని జ్యోతిష్య శాస్త్ర నిపుణులు తెలుపుతున్నారు. ఉద్యోగాలు చేసేవారికి ఈ సమయంలో కొన్ని ఇబ్బందులు తలెత్తే ఛాన్స్‌ కూడా ఉంది. అంతేకాకుండా ఆర్థిక పరిస్థితులు ఇంతక ముందు ఉన్నదాని కంటే ఇప్పుడు మెరుగుపడతాయి. దీంతో పాటు కుటుంబంలోని సమస్యలు కూడా దూరమవుతాయి. కుటుంబంలో శుభకార్యాలు జరగడం కారణంగా ఎంతో ఆనందంగా ఉంటారు. 

కర్కాటక రాశి:
ఈ ఫిబ్రవరి నెల కర్కాటక రాశి వారికి ఎంతో లాభదాయకంగా ఉండబోతోంది. ఈ సమయంలో పాత వివాదాలన్నీ సులభంగా పరిష్కారమవుతాయి. కొన్ని అనారోగ్య సమస్యల కారణంగా పనుల్లో చిన్న చిన్న ఆటంకాలు కూడా వచ్చే అవకాశాలు ఉన్నాయి. దీంతో పాటు కుటుంబంలో అంతర్గత విభేదాలను కూడా వచ్చే ఛాన్స్‌ ఉంది. కాబట్టి ఈ సమయంలో కొన్ని జాగ్రత్తలు పాటించడం చాలా మంచిది.

సింహరాశి:
సింహరాశి వారు నెల మొత్తం ఎంతో జాగ్రత్తగా ఉండాల్సి ఉంటుంది. ఈ ఫిబ్రవరి నెలలో సింహ రాశివారు అన్ని ఆలోచించి పనులు చేయాల్సి ఉంటుంది. ముఖ్యంగా ఉద్యోగాలు చేస్తున్నవారు ఈ సమయంలో అనేక సమస్యలను ఎదుర్కొంటారు. అంతేకాకుండా మానసిక సమస్యల బారిన పడే అవకాశాలు ఉన్నాయి. దీంతో పాటు వాదనలకు దూరంగా ఉండేందుకు ప్రయత్నించండి. లేకపోతే అనేక చిక్కుల్లో పడాల్సి వస్తుంది. ఆస్తుల్లో విషయాల్లో లాభాలు పొందుతారు. 

కన్యారాశి:
ఈ ఫిబ్రవరి నెలలో కన్యారాశి వారికి మనస్సు సంతోషంగా ఉంటుంది. అంతేకాకుండా ఈ సమయంలో ఊహించని కొత్త విజయాలు సాధించే అవకాశాలు ఉన్నాయి. వ్యాపారాల్లో పెట్టుబడులు పెట్టే వారికి నష్టాల నుంచి కోలుకుంటారు. దీంతో పాటు వీరు ఈ సమయంలో స్నేహితులు, బంధువుల నుంచి ఆర్థిక సహాయం పొందుతారు. కుటుంబంతో కలిసి విహార యాత్రలకు వెళ్లే చాన్స్‌ కూడా ఉంది. 

తులారాశి:
ఈ నెల తులా రాశివారికి చాలా అనుకూలంగా ఉంటుంది. మనస్సు ప్రశాంతంగా మారుతుంది. దీంతో పాటు మానసిక సమస్యల నుంచి కూడా సులభంగా విముక్తి లభిస్తుంది. అంతేకాకుండా ఇంట్లో శుభ కార్యాల సందడులు కూడా పెరుగుతాయి. ఉద్యోగాలు చేస్తున్నవాకు కార్యాలయాల్లో మంచి పేరును సంపాదిస్తారు. అంతేకాకుండా గౌరవం, పేరు, కీర్తి కూడా పొందుతారు.

వృశ్చిక రాశి:
ఫిబ్రవరి నెలలో వృశ్చిక రాశివారు ఎంతో ఉల్లాసంగా ఉంటారిని జ్యోతిష్య శాస్త్ర నిపుణులు తెలుపుతున్నారు. ఉద్యోగాలు చేస్తున్నవారు అధికారుల నుంచి ఎదుర్కొంటున్న సమస్యల నుంచి సులభంగా విముక్తి లభిస్తుంది. అంతేకాకుండా సమాజంలో గౌరవం కూడా పెరుగుతుంది. దీంతో పాటు ఆర్థిక నిర్ణయాలు తీసుకునే క్రమంలో బాగా ఆలోచిస్తారు. అంతేకాకుండా ఉద్యోగాలు మరే ఛాన్స్‌ కూడా ఉంది. 

ధనుస్సు రాశి:
ఈ నెల ధనుస్సు రాశివారికి కూడా చాలా ప్రయోజనకరంగా ఉంటుంది. అనారోగ్య సమస్యల ఎదుర్కోటున్నవారికి ఈ సమయంలో కొంత ఉపశమనం లభిస్తుంది. దీంతో పాటు కార్యాలయాల్లో మంచి లాభాలు కూడా పొందుతారు. వాహనాలు కొనుగోలు చేసేవారు తప్పకుండా ఆలోచించి తీసుకోవాల్సి ఉంటుంది. అంతేకాకుండా వాటిని నడిపే క్రమంలో కూడా జాగ్రత్తలు తీసుకోవాల్సి ఉంటుంది. 

మకర రాశి:
మకర రాశి ఫిబ్రవరి నెల చాలా అద్భుతంగా ఉంటుంది. పాత వివాదల నుంచి కూడా ఈ సమయంలో ఉపశమనం లభిస్తుంది. ఆర్థికండా కూడా ఈ సమయంలో ఊహించని లాభాలు పొందుతారు. అంతేకాకుండా ఉద్యోగాలు చేస్తున్నవారికి ఈ నెల చాలా అనుకూలంగా ఉంటుంది. దీంతో పాటు వీరు కుటుంబంతో కలసి మతపరమైన యాత్రకు వెళ్లే ఛాన్స్‌ కూడా ఉంది. షేర్‌ మార్కెట్‌లో పెట్టుబడులు పెట్టడం వల్ల లాభాలు కూడా పొందుతారు.

కుంభ రాశి:
కుంభ రాశి వారి కోల్పోయినవన్నీ ఈ సమయంలో పొందుతారు. అంతేకాకుండా రాజకీయ, సామాజిక రంగాల్లో కూడా సులభంగా విజయాలు సాధిస్తారు. దీంతో పాటు వీరు సమాజంలో గౌరవాన్ని పొందుతారు. అంతేకాకుండా ఉద్యోగాలు చేసేవారు మిశ్రమ లాభాలు పొందుతారు. అంతేకాకుండా కార్యాలయాల్లో మంచి పేరును కూడా పొందే అవకాశాలు కూడా ఉన్నాయి. 

మీన రాశి:
ఫిబ్రవరి నెల మీన రాశివారికి కొన్ని కష్టాలను తీసుకువచ్చే ఛాన్స్‌ కూడా ఉంది. అంతేకాకుండా అనారోగ్య సమస్యల బారిన పడే ఛాన్స్‌ కూడా ఉంది. కుటుంబ సభ్యులకు కూడా అనారోగ్య సమస్యలను ఎదుర్కొంటారు. దీంతో పాటు ఆర్థిక సమస్యల బారిన పడే అవకాశాలు ఉన్నాయి. దీంతో పాటు ఎంతో ఓర్పుతో ఉండడం చాలా మంచిది.  ఉద్యోగాలు చేసేవారికి ఒత్తిడి కూడా పెరుగుతుంది. అంతేకాకుండా ఆలోచించి నిర్ణయాలు తీసుకోవడం వల్ల మంచి లాభాలు పొందుతారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.