Last Chandra Grahan 2023: చివరి చంద్రగ్రహణంతో ఈ రాశులకు మంచి కెరీర్, కావాల్సినంత డబ్బు.. మీరున్నారా?

Second Chandra Grahan 2023 in India: సూర్యగ్రహణం మరియు చంద్రగ్రహణం ఖగోళ సంఘటనలుగా భావిస్తారు. ఈ ఏడాది రెండు సూర్యగ్రహణాలు, రెండు చంద్రగ్రహణాలు ఏర్పడనున్నాయి. ఇప్పటికే ఒక సూర్య, ఒక చంద్రగ్రహణం ఏర్పడింది. మరో రెండు బ్యాలెన్స్ ఉన్నాయి.  సాధారణంగా ఈ రెండు గ్రహణాల మధ్య కేవలం 15 రోజుల తేడా మాత్రమే ఉంటుంది. ఈ ఏడాది రెండవ లేదా చివరి సూర్య, చంద్రగ్రహణాలు అక్టోబరు నెలలో సంభవించబోతున్నాయి. సూర్య గ్రహణం అక్టోబరు 14న, చంద్రగ్రహణం అక్టోబరు 28న ఏర్పడనుంది. 

2023 సంవత్సరంలో రెండవ మరియు చివరి చంద్రగ్రహణం అక్టోబర్ 28-29 రాత్రి జరుగుతుంది. హిందూ క్యాలెండర్ ప్రకారం, ఈ రోజు అశ్వినీ మాసం పౌర్ణమి. ఈ కారణంగా ఈ చంద్రగ్రహణం మరింత ప్రాముఖ్యమైనది. సంవత్సరంలో చివరి చంద్రగ్రహణం అక్టోబర్ 28న తెల్లవారుజామున 1:06 గంటలకు ప్రారంభమై తెల్లవారుజామున 2:22 గంటలకు ముగుస్తుంది. అంటే ఈ చంద్రగ్రహణం మొత్తం 1 గంట 16 నిమిషాలు ఉంటుంది. 

ఇప్పుడు ఏర్పడబోయేది పాక్షిక చంద్రగ్రహణం. అయితే ఇది భారతదేశంలో కనిపిస్తుంది, కాబట్టి దాని సూతక్ కాలం చెల్లుతుంది. ఈ సమయంలో పూజలు చేయడం, ఆలయాలు తెరవడం, ఇంట్లో శుభకార్యాలు చేయడం వంటివి నిషేధం. ఈ చంద్రగ్రహణం భారతదేశంతోపాటు యూరప్, ఆసియా, ఆస్ట్రేలియా, పసిఫిక్ మహాసముద్రం, అంటార్కిటికా, ఆర్కిటిక్, ఉత్తర అమెరికా, దక్షిణ అమెరికా, హిందూ మహాసముద్రం మరియు ఆఫ్రికాలో కనిపించనుంది. 

ఈ చివరి చంద్రగ్రహణం కొన్ని రాశులవారిపై సానుకూలంగా, మరికొన్ని రాశులవారిపై ప్రతికూలంగా ఉండబోతుంది. ఈ రెండవ చంద్రగ్రహణం ముఖ్యంగా ధనుస్సు మరియు మిధున రాశి వారికి చాలా శుభప్రదంగా ఉంటుంది. మీరు కెరీర్ లో ఉన్నతస్థాయికి వెళ్తారు. అంతేకాకుండా మీరు ఆర్థికంగా బలపడతారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link - https://play.google.com/store/apps/details?id=com.indiadotcom.zeetelugu     

Apple Link - https://apps.apple.com/in/app/zee-telugu-news/id1633190712

మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook