CSK vs KKR match: చివరి బంతి వరకు తప్పని సస్పెన్స్.. కోల్‌కతాపై చెన్నై విజయం

దుబాయ్‌: ఐపీఎల్‌ 2020లో భాగంగా గురువారం రాత్రి దుబాయ్ స్టేడియం వేదికగా జరిగిన ఉత్కంఠ పోరులో కోల్‌కతా నైట్ రైడర్స్‌పై ( Kolkata Knight Riders ) చెన్నై సూపర్ కింగ్స్ 6 వికెట్ల తేడాతో విజయం సాధించింది. 173 పరుగుల విజయ లక్ష్యంతో బరిలోకి దిగిన చెన్నై సూపర్ కింగ్స్ జట్టులో ( Chennai Super Kings ) ఓపెనర్‌ షేన్ వాట్సన్ 14 పరుగులకే పెవిలియన్ బాట పట్టినప్పటికీ.. రుతురాజ్‌ గైక్వాడ్‌ ( Ruturaj Gaikwad 72 పరుగులు: 53 బంతుల్లో 6 ఫోర్లు, 2 సిక్సర్లు) ఆకట్టుకున్నాడు. వరుసగా రెండో హాఫ్ సెంచరీతో గైక్వాడ్ రాణించాడు. అంబటి రాయుడు ( Ambati Rayudu 38 పరుగులు : 20బంతుల్లో 5 ఫోర్లు, సిక్స్‌) జట్టు స్కోర్ పెరగడంలో తన వంతు పాత్ర పోషించాడు. 19వ ఓవర్లో ఫెర్గుసన్‌ బౌలింగ్‌లో రవీంద్ర జడేజా ( Ravindra Jadeja ) ఒక ఫోర్‌, రెండు సిక్సర్లు బాది ఏకంగా 20 పరుగులు రాబట్టడంతో మ్యాచ్ గమనం మారిపోయింది. మొత్తంగా జడేజా (31 నాటౌట్:‌ 11 బంతుల్లో 2ఫోర్లు, 3సిక్సర్లు)లతో చెన్నై విజయంలో కీలక పాత్ర పోషించాడు. Also read : MS Dhoni: చెన్నై సూపర్ కింగ్స్ అభిమానులకు గుడ్ న్యూస్

చివరి ఓవర్‌లో విజయానికి 10 పరుగులు అవసరం కాగా.. చివరి రెండు బంతుల్లో రవీంద్ర జడేజా వరుసగా రెండు భారీ సిక్సర్లు కొట్టి చెన్నైకి ( CSK ) దక్కదనుకున్న విజయాన్ని అందించాడు. కోల్‌కతా బౌలర్లలో స్పిన్నర్‌ వరుణ్‌ చక్రవర్తి (2/20) రాణించగా.. ప్యాట్‌ కమిన్స్‌ రెండు వికెట్లు పడగొట్టాడు.

కోల్‌కతా నైట్ రైడర్స్ ( KKR ) బ్యాటింగ్ విషయానికొస్తే.. ఓపెనర్‌ నితీశ్‌ రాణా (87: 61 బంతుల్లో 10ఫోర్లు, 4సిక్సర్లు) శుభారంభాన్నిచ్చాడు. శుభ్‌మన్‌ గిల్‌ ( Shubhman Gill 26 పరుగులు: 17 బంతుల్లో 4 ఫోర్లు), దినేశ్‌  కార్తీక్‌ ( 21 నాటౌట్:‌ 10 బంతుల్లో 3 ఫోర్లు) రాణించడంతో కోల్‌కతా నైట్ రైడర్స్ నిర్ణీత 20 ఓవర్లలో 5  వికెట్లకు 172 పరుగులు చేసింది. చెన్నై బౌలర్లలో లుంగి ఎంగిడి ( Lungi Engidi ) రెండు వికెట్లు పడగొట్టగా మిచెల్ శాంట్నర్‌, జడేజా, కర్ణ్‌ శర్మ చెరో వికెట్‌ తీశారు. బ్యాట్‌తో మెరుపులు మెరిపించిన రుతురాజ్ గైక్వాడ్‌ మ్యాన్ ఆఫ్ ది మ్యాచ్ సొంతం చేసుకున్నాడు. Also read : SRH vs DC Match IPL 2020: ఢిల్లీని చిత్తు చేసిన సన్‌రైజర్స్.. ప్లే ఆఫ్ ఆశలు సజీవం

ఇప్పటివరకు 13 మ్యాచ్‌లు ఆడిన చెన్నై సూపర్ కింగ్స్ 5 మ్యాచ్‌లలో విజయం సొంతం చేసుకుంది. ఈ మ్యాచ్‌లో గెలిచినప్పటికీ.. పాయింట్స్ పట్టికలో మహేంద్ర సింగ్ ధోనీ ( MS Dhoni ) సేన ఆఖరి మెట్టు వద్దే ఉండగా.. మరోవైపు ఆరు విజయాలతో కోల్‌కతా నైట్ రైడర్స్ జట్టు 5వ స్థానంలో ఉంది. ఈ మ్యాచ్‌లో కోల్‌కతా ఓటమితో 13వ ఐపిఎల్ సీజన్‌లో ప్లేఆఫ్స్‌లోకి ( Playoffs in IPL 2020 ) ప్రవేశించిన తొలి జట్టుగా ముంబై ఇండియన్స్ ( Mumbai Indians ) నిలిచింది. Also read : KXIP VS KKR: కోల్‌కతాపై పంజాబ్ ఘన విజయం