T20 Match: మరోవైపు సొంతగడ్డపై సిరీస్‌ సమం చేయాలని సఫారీలు భావిస్తున్నారు. మూడు మ్యాచ్‌ల్లో రెండుసార్లు 200 పైగా స్కోర్లు చేసిన భారత జట్టు... ఓడిన మ్యాచ్‌లోనూ మెరుగైన పోరాటం చేసింది. ఈ ఏడాది ఇప్పటి వరకు 25 టి20 మ్యాచ్‌లు ఆడిన టీమిండియా... అందులో 23 లో విన్నర్స్ గా నిలిచింది. ఈ ఏడాదిలో భారత జట్టుకు ఇదే లాస్ట్  టి20 మ్యాచ్‌ కాగా... ఇందులోనూ విజయం సాధించాలని సూర్యకుమార్‌ బృందం పట్టుదలతో ఉంది. 2007 టి20 ప్రపంచకప్‌ ఫైనల్లో పాకిస్తాన్‌పై గెలిచి ప్రపంచ కప్  కిరీటం నెగ్గిన వాండరర్స్‌ మైదానంలోనే ఈ మ్యాచ్‌ జరగనుంది. ఇక్కడ సూర్యకుమార్‌ యాదవ్‌కు మంచి రికార్డు ఉంది. చివరిసారి వాండరర్స్‌లో ఆడిన మ్యాచ్‌లో సూర్య సెంచరీతో విజృంభించాడు. తాజా సిరీస్‌లో ఇప్పటికే భారత్‌ తరఫున సంజూ సామ్సన్, తిలక్‌ వర్మ శతకాలు బాదగా... ఆఖరి మ్యాచ్‌లో ఎవరు రాణిస్తారో చూడాలి.


COMMERCIAL BREAK
SCROLL TO CONTINUE READING

తొలి మ్యాచ్‌లో సూపర్‌ సెంచరీతో చెలరేగిన ఓపెనర్‌ సామ్సన్‌ తర్వాత వరుసగా రెండు మ్యాచ్‌ల్లో విఫలం అయ్యారు. తొలి రెండు మ్యాచ్‌ల్లో విఫలమైన మరో ఓపెనర్‌ అభిషేక్‌ శర్మ మూడో టి20లో అర్ధశతకంతో మెరిశాడు. మొత్తంగా చూసుకుంటే టీమిండియా బ్యాటింగ్‌ ఆర్డర్‌లో పెద్దగా లోపాలు కనిపించకపోయినా... ప్లేయర్లంతా కలిసికట్టుగా కదం తొక్కాల్సిన అవసరముంది.


తిలక్‌ వర్మ మూడో స్థానంలో బ్యాటింగ్‌కు చేయనుండగా.. కెప్టెన్‌ సూర్యకుమార్, హార్దిక్‌ పాండ్యా, రింకూ సింగ్‌తో మిడిలార్డర్‌ పటిష్టంగా కనిపిస్తోంది. రింకూ సింగ్‌ బ్యాట్‌ నుంచి గత మెరుపులు లేవు.  ఈ సిరీస్‌లో ఆడిన మూడు మ్యాచ్‌ల్లో కలిపి రింకూ కేవలం 28 పరుగులే చేశాడు. మూడో టి20 ద్వారా ఇంటర్నేషనల్ లెవల్లో ఎంట్రీ  చేసిన హిట్టర్‌ రమణ్‌దీప్‌ సింగ్‌కు మరోసారి అవకాశం దక్కవచ్చు. అర్ష్ దీప్  సింగ్‌ పేస్‌ బాధ్యతలు మోయనున్నాడు. అక్షర్‌ పటేల్, రవి బిష్ణోయ్, వరుణ్‌ చక్రవర్తి స్పిన్‌ బాధ్యతలు చూసుకోనున్నారు.  


టి20 వరల్డ్‌కప్‌ ఫైనల్లో భారత్‌ చేతిలో ఓడిన దక్షిణాఫ్రికా... ఈ సిరీస్‌లోనూ పెద్దగా రాణించలేపోయింది. గత మ్యాచ్‌లో ప్రధాన ఆటగాళ్లంతా చేతులెత్తేసిన సమయంలో పేస్‌ ఆల్‌రౌండర్‌ మార్కో జాన్సన్‌ భారీ షాట్లతో విరుచుకుపడి టీమిండియాను భయపెట్టాడు. టాపార్డర్‌లో ఇలాంటి దూకుడు లోపించడంతోనే సఫారీ జట్టు ఇబ్బంది పడుతోంది. హెన్రిచ్‌ క్లాసెన్, డేవిడ్‌ మిల్లర్‌లపై ఆ జట్టు అతిగా ఆధారపడుతోంది. ఈ ఇద్దరు మెరుపులు తప్ప... చివరి వరకు నిలకడగా రాణించలేకపోవడం జట్టును దెబ్బతీస్తోంది. లాస్ట్ ఇయర్ మన దేశంలో జరిగిన సిరీస్‌ను 1–1తో సమం చేసుకున్న దక్షిణాఫ్రికా... ఇప్పుడదే ఫలితం రాబట్టాలంటే శక్తికి మించి పోరాడాలి. బౌలింగ్‌లో కేశవ్‌ మహరాజ్, సిమ్లెన్, కోట్జీ, మార్కో జాన్సన్‌ కీలకం కానున్నారు.


ఇదీ చదవండి : Balayya Heroine: ఎఫైర్స్ తో టాక్ ఆఫ్ ది ఇండస్ట్రీగా నిలిచిన బాలయ్య భామ.. మైండ్ బ్లాంక్ చేస్తోన్న హీరోయిన్ ఫ్లాష్ బ్యాక్..


ఇదీ చదవండి : Shraddha Kapoor: చిరంజీవికి శ్రద్ధా కపూర్ కు ఉన్న రిలేషన్ తెలుసా.. ఫ్యూజులు ఎగిరిపోవడం పక్కా..



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి. 


ఆండ్రాయిడ్ లింక్ - https://bit.ly/3P3R74U


ఆపిల్ లింక్ - https://apple.co/3loQYe 


 సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండిFacebook, Twitter