తెలంగాణలో కరోనా కాటుకు మరో ఇద్దరు మృతి

హైదరాబాద్: తెలంగాణలో సోమవారం ఇద్దరు కరోనావైరస్ పాజిటివ్ రోగులు చనిపోగా కొత్తగా 14 కరోనా వైరస్ పాజిటివ్ కేసులను గుర్తించామని రాష్ట్ర వైద్య, ఆరోగ్య శాఖ ప్రకటించింది. సోమవారం గుర్తించిన కేసులతో కలిపి తెలంగాణలో మొత్తం కరోనా కేసుల సంఖ్య 872కి చేరింది. అందులో ప్రస్తుతం 663 మంది రాష్ట్రంలోని వివిధ ఆస్పత్రుల్లో చికిత్స పొందుతున్నారు. నేటివరకు రాష్ట్రంలో కరోనాతో మృతి చెందిన వారి సంఖ్య మొత్తం 23కి చేరింది. ఇప్పటివరకు కరోనా వైరస్‌‌ నుంచి 186 మంది కోలుకుని డిశ్చార్జి అయ్యారు.