Maruti Rao`s suicide note: మారుతీ రావు సూసైడ్ నోట్‌లో అమృత ప్రస్తావన

హైదరాబాద్ : ప్రణయ్ హత్య కేసులో (Pranay murder case) ప్రధాన నిందితుడిగా ఉన్న మారుతి రావు (Maruti Rao) ఆదివారం తెల్లవారుజామున హైదరాబాద్‌లోని ఖైరతాబాద్‌లో ఉన్న ఆర్యవైశ భవన్‌లో ఆత్మహత్యకు పాల్పడి తనువు చాలించిన సంగతి తెలిసిందే. ప్రణయ్ పరువు హత్య ఘటన రెండు తెలుగు రాష్ట్రాల్లో ఎంత సంచలనం సృష్టించిందో... మారుతి రావు ఆత్మహత్య (Maruti Rao suicide) కూడా అంతే చర్చనియాంశమైంది. కూతురును ప్రేమించి పెళ్లి చేసుకున్నాడనే కోపంతో అల్లుడు ప్రణయ్‌ని హతమార్చిన మారుతి రావు ఆ తర్వాత అనేక ఆరోపణలు, అవమానాలు ఎదుర్కొన్నాడు. ఆరోపణలు మారుతి రావుకు ఆరోపణలు ఊహించనివి కాకపోయినా... అవమానాలు మాత్రం అతడిని ఒక్కచోట ప్రశాంతంగా ఉండనివ్వలేకపోయాయి.

అల్లుడిని హత్య చేసినా కూతురు భయపడకుండా ఎదుకు పోరాటం చేయడం.. తండ్రే కూతురి జీవితం నాశనం చేశాడని అందరూ తిట్టిపోయడం వంటి అవమానాల మధ్య ఆత్మహత్య చేసుకున్న మారుతి రావు తన సూసైడ్ నోట్‌లో చివరిసారిగా అమృత గురించే ఆవేదన వ్యక్తంచేయడం గమనార్హం. తల్లీ అమృత.. నువ్వు అమ్మదగ్గరికి వెళ్లిపో అంటూ కూతురు అమృత ప్రణయ్‌కి విజ్ఞప్తిచేశాడు.