Telangana Rains Alert: తెలంగాణలోని ఈ జిల్లాల్లో మూడు రోజులు మోస్తరు నుంచి భారీ వర్షాలు

పశ్చిమ మధ్య, వాయువ్య బంగాళాఖాతంలో ఏర్పడిన అల్పపీడన ప్రాంతం ఉత్తర బంగాళాఖాతంవైపుకు కొనసాగుతోంది. ఇది క్రమంగాబలపడి ఉత్తర దిశగా కదలనుంది. ఈ నెల 9వ తేదీన ఒడిశా-బంగ్లాదేశ్ తీరంలో వాయుగుండంగా మారనుంది. ఫలితంగా తెలంగాణలో మోస్తరు నుంచి భారీ వర్షాలు పడనున్నాయి. 

తెలుగు రాష్ట్రాలకు వాయుగుండం ముప్పు తప్పినా వర్ష సూచన మాత్రం వీడలేదు. పశ్చిమ మధ్య వాయువ్య బంగాళాఖాతంలో కొనసాగుతున్న అల్పపీడనం, సముద్రమట్టం నుంచి 7.6 కిలోమీటర్ల ఎత్తు వరకూ ఉన్న ఆవర్తనం ప్రభావంతో మోస్తరు నుంచి భారీ వర్షాలు పడనున్నాయని తెలుస్తోంది. రుతు పవన ద్రోణి ఇవాళ సముద్రమట్టంపై ఉత్తర బంగాళాఖాతంలో కేంద్రీకృతమైన అల్పపీడనం కారణంగా ఇవాళ రేపు తెలంగాణలోని కొన్ని ప్రాంతాల్లో తేలికపాటి నుంచి మోస్తరు వర్షాలు పడనున్నాయి. ఎల్లుండి కూడా కొన్ని చోట్ల మోస్తరు వర్షాలు పడనున్నాయి. 

తెలంగాణలోని కొన్ని జిల్లాల్లో ఇవాళ, రేపు మోస్తరు వర్షాలు పడినా ఎల్లుండి మాత్రం భారీ వర్షాలు పడవచ్చు. ఇవాళ, రేపు , ఎల్లుండి కొన్ని జిల్లాల్లో ఉరుములు, మెరుపులతో గంటకు 30-40 కిలోమీటర్ల వేగంతో ఈదురు గాలులు వీయనున్నాయి. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.  

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.