Farmers protest: అమెరికాను తాకిన భారత రైతుల నిరనస సెగ

Farmers protest: వ్యవసాయ చట్టాల్ని వ్యతిరేకిస్తూ చేస్తున్న రైతుల నిరసన సెగ అమెరికాను తాకింది. అమెరికా సెనేటర్లు ఆందోళన వ్యక్తం చేస్తూ..అమెరికా విదేశాంగ కార్యదర్శి మైక్ పాంపియోకు లేఖ రాశారు.

కేంద్ర ప్రభుత్వం ( Central Government ) తీసుకొచ్చిన నూతన వ్యవసాయ చట్టాలకు ( New Agriculture acts ) వ్యతిరేకంగా భారతదేశ రాజధాని ఢిల్లీ సరిహద్దుల్లో ( Delhi Borders ) రైతులు పెద్దఎత్తున నిరసన చేస్తున్నారు. ఈ నిరసన సెగ ఇప్పుడు అమెరికాను సైతం తాకింది. అమెరికా సెనేటర్లు ( America senators ) రైతుల నిరసనపై ఆందోళన వ్యక్తం చేశారు. ఇండో అమెరికన్ ప్రమీలా జయపాల్ సహా ఏడుగురు సెనేటర్లు అమెరికా విదేశాంగ కార్యదర్శి మైక్ పాంపియోకు లేఖ రాశారు. భారత విదేశాంగ శాఖ మంత్రి జయ శంకర్ వద్ద ఈ విషయాన్ని లేవనెత్తి..రైతులకు న్యాయం చేయాల్సిందిగా కోరారు. 

లేకపోతే ఈ ఆందోళన కారణంగా పంజాబ్‌తో ముడిపడి ఉన్న సిక్కు అమెరికన్లకు ప్రత్యేక ఆందోళన కల్గించే అంశంగా మారుతుందన్నారు. భారతీయ రాష్ట్రాలకు చెందిన అమెరికన్లను ఎక్కువగా ప్రభావితం చేస్తుందని చెప్పారు. చాలామంది భారతీయ అమెరికన్లు పంజూబ్‌లో భూమిని కలిగి ఉన్నారని..వారి కుటుంబాల శ్రేయస్సు గురించి ఆందోళనలో ఉన్నారన్నారు. ఈ పరిస్థితిని దృష్టిలో ఉంచుకుని..విదేశాల్లో రాజకీయ ప్రసంగ స్వేచ్ఛపై అమెరికా నిబద్ధతను బలోపేం చేసేలా చర్యలు తీసుకోవాలని కోరారు.