70 કરોડનું અપાર્ટમેંટ હશે Kiara-Sidharth નું નવું ઘર, ઘર સહિત આ વસ્તુઓ પર બંનેએ કર્યો છે કરોડોનો ખર્ચ

લગ્ન બાદ કિયારા અડવાણી અને સિદ્ધાર્થ મલ્હોત્રા નવા ઘરમાં શિફ્ટ થઈ ગયા છે. આ ઘરની કિંમત અંદાજે 70 કરોડ છે. સિદ્ધાર્થ અને કિયારાના નવા ઘરને ગૌરી ખાને ડિઝાઇન કર્યું છે. તેમના ઘરની બાલ્કનીમાંથી સમુદ્રનો સુંદર નજારો જોવા મળે છે. 

સિદ્ધાર્થ અને કિયારા ઘર સિવાય કરોડોની કિંમતની લક્ઝુરિયસ કારના પણ માલિક છે. સિદ્ધાર્થ પાસે 2.38 કરોડની રેન્જ રોવર વોગ અને મર્સિડીઝ પણ છે. આ સિવાય સિદ્ધાર્થને બાઇકનો પણ શોખ છે. તેની પાસે 18 લાખની હાર્લી ડેવિડસન પણ છે. કિયારા વિશે વાત કરીએ તો થોડા સમય પહેલા જ અભિનેત્રીએ 1.5 કરોડની Audi A8 L ખરીદી છે. આ સિવાય કિયારા પાસે 73.48 લાખની મર્સિડીઝ-બેન્ઝ, બે બીએમડબલ્યુ કાર છે. 

સિદ્ધાર્થની નેટવર્થની વાત કરીએ તો  રિપોર્ટ્સ અનુસાર તેની કુલ નેટવર્થ 75 કરોડ છે જ્યારે કિયારાની નેટવર્થ 25 કરોડ છે. જો કે કિયારાની કારર્કિદી બોલિવૂડમાં શરુ જ થઈ છે અને તે એક પછી એક હીટ ફિલ્મો આપી રહી છે તો આવનારા સમયમાં તે પણ પોતાના પતિને કમાણીની બાબતમાં ટક્કર આપી શકે છે.