કરો છો ઓનલાઈન ટ્રેડિંગ તો આજથી જ અજમાવો આ ટિપ્સ, નહીં તો થઈ શકે છે લાખોનું નુકસાન

હંમેશા એવા બ્રોકર સાથે વેપાર કરો જે સેબી (સિક્યોરિટીઝ એન્ડ એક્સચેન્જ બોર્ડ ઓફ ઈન્ડિયા)માં નોંધાયેલ હોય. બ્રોકર વિશે ઑનલાઇન સમીક્ષાઓ વાંચો અને તેના વિશે માહિતી એકત્રિત કરો.

જો કોઈ બ્રોકર તમને ખૂબ ઊંચા વળતરનું વચન આપે તો સાવચેત રહો. કોઈપણ રોકાણ જે શ્રેષ્ઠ લાગે છે તે શંકાસ્પદ હોઈ શકે છે. જેના કારણે તમને નફાને બદલે નુકશાન થઈ શકે છે. 

તમારા ટ્રેડિંગ એકાઉન્ટને મજબૂત પાસવર્ડ અને ટુ-સ્ટેપ વેરિફિકેશન સાથે સુરક્ષિત રાખો. તમારો પાસવર્ડ કોઈની સાથે શેર કરશો નહીં. આનાથી તમારી સાથે છેતરપિંડી થઈ શકે છે. 

કોઈપણ શેર અથવા અન્ય રોકાણમાં નાણાં રોકતા પહેલા તેની સંપૂર્ણ રીતે સંશોધન કરો. કંપનીના નાણાકીય નિવેદનો, તેના ઉત્પાદનો અને સેવાઓ વિશે જાણો.

સોશિયલ મીડિયા પર મળેલી ટીપ્સ ઘણીવાર ખોટી અથવા ગેરમાર્ગે દોરનારી હોઈ શકે છે. ઘણી વખત આવી ટિપ્સ વોટ્સએપ દ્વારા મોકલવામાં આવે છે. કોઈપણ રોકાણ કરતા પહેલા તમારા નાણાકીય સલાહકારની સલાહ લો. 

જો તમને ફોન અથવા ઈમેલ દ્વારા કોઈ રોકાણની ઓફર મળે તો તરત જ તેના પર વિશ્વાસ ન કરો. હંમેશા કંપનીની સત્તાવાર વેબસાઇટની મુલાકાત લઈને માહિતીની ચકાસણી કરો. તે પછી જ રોકાણ વિશે વિચારો.