IMDb અનુસાર સૌથી પોપ્યુલર 10 વેબ સિરીઝ, સેક્રેડ ગેમ્સ અને મિર્ઝાપુરે તોડ્યા તમામ રેકોર્ડ

નવાઝુદ્દીન સિદ્દીકી અને સૈફ અલી ખાનની 'સેક્રેડ ગેમ્સ' IMDbની ટોપ 10 લિસ્ટમાં નંબર 1 પર છે. લોકોએ આ સીરીઝને ખૂબ પ્રેમ આપ્યો છે. આ વેબ સિરીઝ નેટફ્લિક્સ પર રિલીઝ કરવામાં આવી હતી.

'મિર્ઝાપુર' વેબ સિરીઝમાં કાલીન ભૈયા, ગુડ્ડુ ભૈયા અને મુન્ના ભૈયાની જોડીએ ધૂમ મચાવી હતી. તેની 2 સિઝન આવી છે અને બંને મજબૂત હતી. તમે તેને એમેઝોન પ્રાઇમ વિડિયો પર જોઈ શકો છો.  

ત્રીજા નંબરે છે 'સ્કેમ 1992' વેબ સિરીઝ. ડિરેક્ટર હંસલ મહેતાની 'સ્કેમ 1992' વેબ સિરીઝે ખુબ હંગામો મચાવ્યો હતો. આ વેબ સિરીઝે પ્રતિક ગાંધીને રાતોરાત ફેમસ બનાવી દીધા. તે 90 ના દાયકાના બોમ્બેને દર્શાવે છે. 

મનોજ બાજપેયીની વેબ સીરિઝ 'ધ ફેમિલી મેન'એ પણ રિલીઝ થતાની સાથે જ તરખાટ મચાવી દીધો હતો. તે એમેઝોન પ્રાઇમ પર પણ ઉપલબ્ધ છે.

'એસ્પિરન્ટ્સ' વેબ સિરીઝ પાંચમા નંબર પર છે. જેમાં યુપીએસસીની તૈયારી કરતા ત્રણ છોકરાઓની વાર્તા બતાવવામાં આવી છે. તે યુટ્યુબ પર રિલીઝ કરવામાં આવી હતી

વિક્રાંત મેસી અને જેકી શ્રોફની વેબ સિરીઝ 'ક્રિમિનલ જસ્ટિસ' વેબ સિરીઝ પણ ઘણી લોકપ્રિય બની હતી. તમે તેને ડિઝની હોટ સ્ટાર પ્લસ પર જોઈ શકો છો.  

આર માધવનની 'બ્રીથ' વેબ સિરીઝને લઈને ઘણી ચર્ચા થઈ હતી. આ વેબ સિરીઝની બે સીઝન આવી ચૂકી છે અને બંને હિટ રહી હતી. તમે તેને એમેઝોન પ્રાઇમ પર જોઈ શકો છો.

IIT અને JEEની તૈયારી કરી રહેલા વિદ્યાર્થીઓને 'કોટા ફેક્ટરી'માં દર્શાવવામાં આવ્યા છે. આ પહેલી બ્લેક એન્ડ વ્હાઇટ વેબ સિરીઝ છે. તમે તેને Netflix પર જોઈ શકો છો.  

નીના ગુપ્તાની વેબ સિરીઝ 'પંચાયત'એ પણ ઘણી પ્રશંસા મેળવી હતી. જેમાં તેને ગામની મુખિયા બતાવવામાં આવી છે. તેની બે સિઝન હિટ રહી હતી, ચાહકો ત્રીજી સિઝનની રાહ જોઈ રહ્યા છે.

'પાતાલ લોક' વેબ સિરીઝ વિશે વાત કરીએ. પત્રકારના મોતના આરોપમાં 4 લોકોની ધરપકડ કરવામાં આવી હોવાનું દર્શાવવામાં આવ્યું છે. આ ચાર આરોપીઓની સ્ટોરી બતાવવામાં આવી છે.