Happy New Year 2022: ન્યુઝીલેન્ડ-ઓસ્ટ્રેલિયામાં 2022નું ભવ્ય સ્વાગત, જુઓ તસવીરોમાં આતશબાજી

નવા વર્ષને આવકારવા માટે વિશ્વભરમાં તૈયારીઓ શરૂ થઈ ગઈ છે. થોડા કલાકોમાં ભારત પણ 2021ને પાછળ છોડીને 2022માં પહોંચી જશે. 

જો કે, કેટલાક દેશો એવા છે જે ભારતથી થોડા કલાક પહેલા 2022નું સ્વાગત કરી રહ્યા છે. ન્યુઝીલેન્ડ અને ઓસ્ટ્રેલિયામાં નવા વર્ષની ઉજવણી શરૂ થઈ ગઈ છે. લોકો ફટાકડા ફોડીને નવી આશા સાથે 2022નું સ્વાગત કરી રહ્યા છે.

લોકોએ સિડનીના ઓપેરા હાઉસ અને સિડની હાર્બર બ્રિજ પર ફટાકડા ફોડ્યા છે. ઓમિક્રોનના કારણે લોકોને આ વખતે જાહેર મેળાવડા ટાળવાની સલાહ આપવામાં આવી છે.   

ન્યુઝીલેન્ડના ઓકલેન્ડમાં લોકો ફટાકડા ફોડીને નવા વર્ષનું સ્વાગત કરે છે. સરકારોએ લોકોને કોરોના માર્ગદર્શિકા હેઠળ નવું વર્ષ ઉજવવાની અપીલ કરી છે.   

ન્યુઝીલેન્ડ સરકાર ફેબ્રુઆરીના અંત સુધીમાં દેશની સરહદો ખોલવાનું વિચારી રહી છે. ન્યુઝીલેન્ડ, રશિયા, ઓસ્ટ્રેલિયા અને જાપાનમાં ભારત પહેલા નવું વર્ષ ઉજવવામાં આવે છે. ભારત અને શ્રીલંકા બંને એક જ સમયે નવા વર્ષનું સ્વાગત કરશે.