'મુન્ની બદનામ હુઇ' પર મલાઇકા સાથે સોનૂ સૂદે ફરી મચાવી ધમાલ, જુઓ PICS

નવી દિલ્હી: ફિલ્મ 'દબંગ'નું એક ગીત 'મુન્ની બદનામ હુઇ' આજે પણ લોકો વચ્ચે લોકપ્રિય છે. આ ગીતમાં બોલીવુડ એક્ટ્રેસ મલાઇકા અરોરા (Malaika Arora)ના ડાન્સને લોકો આજે પણ એકદમ પસંદ કરે છે. તો બીજી તરફ મલાઇકાની સાથે આ ગીતમાં ફીલ્મમાં વિલનની ભૂમિકામાં સોનૂ સૂદ (Sonu Sood) પણ ઠુમકા લગાવતા જોવા મળ્યા હતા. હવે ફરી એકવાર મલાઇકા અને સોનૂ સૂદ આ ગીત પર સાથે ડાન્સ કરતાં જોવા મળ્યા.

તમને જણાવી દઇએ કે 13 ઓગસ્ટના દિવસે 'ઇન્ડિયાઝ બેસ્ટ ડાન્સર'ના એપિસોડમાં સોનૂ એક ગેસ્ટના રૂપમાં પહોંચ્યા હતા. આ દરમિયાન બંનેની ડાન્સ અને મસ્તી જોવા મળી હતી. લોકડાઉન દરમિયના સોનૂ સૂદ પરપ્રાંતિય મજૂરો માટે મસીહાના રૂપમાં જોવા મળ્યા હતા. તેમણે લોકડાઉનમાં બીજા રાજ્યોમાં ફસાયેલા ઘણા પરપ્રાંતિય મજૂરોને તેમના ઘર સુધી પહોંચાડવાનું કામ કર્યું હતું. સોનૂ સૂદ આજ સુધી લોકોની મદદ કરતાં જોવા મળી રહ્યા છે. તો આવો તમને બતાવીએ સોનૂ અને મલાઇકાના ડાન્સની તસવીરો, જે અત્યારે સોશિયલ મીડિયા પર જોરદાર વાયરલ થઇ રહી છે.