PICS: આ દેશમાં છવાયો અંધારપટ, હજારો લોકો રસ્તા પર ઉતરી આવ્યાં

વેનેઝુએલામાં વીજ પુરવઠો ખોરવાતા કીડનીની બીમારીથી પીડિત 15 લોકોના ડાયાલિસિસ ન થવાના કારણે મોત નિપજ્યાં. સ્વાસ્થ્ય અધિકારો માટે કામ કરતા બીન સરકારી સંગઠન કોડેવિડાના ડાઈરેક્ટેર ફ્રાન્સિસ્કો વાલેન્સિયાએ કહ્યું કે ગઈ કાલે અને આજ વચ્ચે ડાયાલિસિસ ન થવાના કારણે 15 લોકોના મોત થયાં. 

વાલેન્સિયાએ કહ્યું કે જે લોકોની કિડની ખરાબ થઈ ગઈ છે તેઓ મુશ્કેલીમાં મુકાયા છે. અમે લગભગ 95 ટકા ડાલાલિસિસ શાખાઓની વાત કરી રહ્યાં છીએ જે વીજ સંકટના કારણે બંધ થઈ ગઈ. આજે તેમની સંખ્યા 100 ટકા સુધી પહોંચવાની આશંકા છે. 

આ બધા વચ્ચે વેનેઝુએલાના રાષ્ટ્રપતિ નિકોલસ માદુરોએ શનિવારે દાવો કર્યો કે એક નવા સાઈબરનેટિક્સ હુમલાના કારણે વીજ પુરવઠો બહાલ કરવામાં મુશ્કેલીઓ આવી. માદુરોએ કારાક્સમાં સમર્થકોને જણાવ્યું કે લગભગ 70 ટકા વીજળી આપૂર્તિ કરી દેવાઈ હતી, ત્યારે યોગ્ય રીતે કામ કરી રહેલા એક જનરેટર પર વધુ એક સાઈબરનેટિક્સ હુમલો થયો અને જે સફળતા મળી હતી તેના પર પાણી ફરી ગયું. 

વેનેઝુએલાના વિપક્ષના નેતા જુઆન ગુઈદોએ શનિવારે લોકોને દેશભરમાં ઝૂલુસ કાઢવાનું આહ્વાન કર્યું અને હજારો લોકો રસ્તાઓ પર ઉતરી આવ્યાં. 

ઉલ્લેખનીય છે કે ગુઈદો સતત માદુરોને સત્તામાંથી દૂર કરવાની કોશિશોમાં લાગ્યા છે અને પોતાને વચગાળાના રાષ્ટ્રપતિ જાહેર કરી ચૂક્યા છે. ગુઈદોને અમેરિકા સહિત 50 દેશોનું સમર્થન મળેલું છે.