Vande Bharat માં હવે મળશે આવી સુવિધાઓ, જેને લઇને પેસેન્જર્સને હતી ફરિયાદ

મુસાફરોના સૂચનો બાદ ટ્રેનમાં જે ફેરફારો કરવામાં આવ્યા છે તેમાં સીટોનો ઝુકાવ 17.31 ડિગ્રીથી વધારીને 19.37 ડિગ્રી કરવાનો અને સીટના ગાદલાને વધુ નક્કર બનાવવાનો સમાવેશ થાય છે.

સીટના ઝુકાવ સાથે, એક્ઝિક્યુટિવ ક્લાસની સીટોનો રંગ લાલથી બદલીને લાઇટ વાદળી કરવામાં આવ્યો છે. અગાઉ ઘણા મુસાફરોએ આ અંગે ફરિયાદ કરી હતી.

નવી વંદે ભારત ટ્રેનમાં જે સુવિધાઓમાં સુધારો કરવામાં આવ્યો છે તેમાં એક્ઝિક્યુટિવ ક્લાસની છેલ્લી સીટને પણ પગ ફેલાવવા માટે વધુ જગ્યા આપવામાં આવી છે.

નવી વંદે ભારત ટ્રેનમાં મોબાઈલ ચાર્જર પોઈન્ટને વધુ સુલભ બનાવવા માટે તેને સીટની નીચે આપવામાં આવ્યું છે.

નવી ટ્રેનોમાં ટોયલેટ બેસિનની ઊંડાઈ વધારવાનો પણ સમાવેશ થાય છે, જેથી પાણી બહાર ન છલકાય. આ સાથે ટોઇલેટના હેન્ડલમાં વધુ ઝોક અને સારી પકડ માટે નળમાં ફેરફાર કરવામાં આવ્યા છે.

નવી વંદે ભારત ટ્રેનોના શૌચાલયોમાં સારી લાઇટિંગ માટે 1.5 વોટના બલ્બની જગ્યાએ 2.5 વોટના બલ્બ લગાવવામાં આવ્યા છે. અગાઉ ઘણી વખત મુસાફરોએ શૌચાલયમાં ઓછી લાઇટિંગની ફરિયાદ કરી હતી.

નવી સુવિધાઓમાં વિકલાંગ મુસાફરો માટે વ્હીલ ચેર માટે સલામત જગ્યાની જોગવાઈનો સમાવેશ થાય છે. આ સિવાય પહેલા કરતા વધુ સારા ફાયર સેન્સર લગાવવામાં આવ્યા છે.