Income Tax Return: ಐಟಿಆರ್‌ನಲ್ಲಿಈ ತಪ್ಪು ಮಾಡಿದ್ರೆ ನೀವು ನೇರ ಜೈಲಿಗೆ ಹೋಗ್ತೀರಿ ಹುಷಾರ್!

Income Tax Return mistakes

ನವದೆಹಲಿ: ಹಣಕಾಸು ವರ್ಷ 2021-22 ಅಥವಾ ಮೌಲ್ಯಮಾಪನ ವರ್ಷ 2022-23ಕ್ಕಾಗಿ ಆದಾಯ ತೆರಿಗೆ ರಿಟರ್ನ್ (ITR) ಸಲ್ಲಿಸಲು ಕೊನೆಯ ದಿನಾಂಕ ಹತ್ತಿರದಲ್ಲಿದೆ. ಜೂನ್ 15, 2022ರಿಂದ ಪ್ರಾರಂಭವಾಗುವ ITR ಪ್ರಕ್ರಿಯೆಯು ಜುಲೈ 31ರವರೆಗೆ ಮುಂದುವರಿಯುತ್ತದೆ. ಯಾವುದೇ ಕಾರಣಕ್ಕೂ ಈ ಬಾರಿ ಕೊನೆಯ ದಿನಾಂಕವನ್ನು ಕ್ಯಾರಿ ಫಾರ್ವರ್ಡ್ ಮಾಡುವುದಿಲ್ಲವೆಂದು ಆದಾಯ ತೆರಿಗೆ ಇಲಾಖೆ ಈಗಾಗಲೇ ಸ್ಪಷ್ಟಪಡಿಸಿದೆ. ಆದ್ದರಿಂದ ನೀವು ಸಾಧ್ಯವಾದಷ್ಟು ಬೇಗ ನಿಮ್ಮ ITR ಅನ್ನು ಫೈಲ್ ಮಾಡುವುದು ಮುಖ್ಯ.

ಒಂದೇ ಒಂದು ತಪ್ಪಿನಿಂದ ನೀವು ಜೈಲಿಗೆ ಹೋಗುತ್ತೀರಿ!

ನಿಗದಿತ ದಿನಾಂಕದೊಳಗೆ ನೀವು ಐಟಿಆರ್ ಅನ್ನು ಸಲ್ಲಿಸದಿದ್ದರೆ ನಂತರ ನೀವು ವಿಳಂಬ ಶುಲ್ಕದೊಂದಿಗೆ ಆದಾಯ ತೆರಿಗೆ ಸಲ್ಲಿಸಬೇಕಾಗುತ್ತದೆ. ಇದಕ್ಕಾಗಿ 5 ಸಾವಿರ ರೂ.ಗಳ ವಿಳಂಬ ಶುಲ್ಕದೊಂದಿಗೆ ಆದಾಯ ತೆರಿಗೆ ರಿಟರ್ನ್ (ITR) ಸಲ್ಲಿಸುವ ಆಯ್ಕೆ ಇದೆ. ಈ ಸಮಯದಲ್ಲಿ ಒಂದೇ ಒಂದು ತಪ್ಪು ಆದರೂ ಸಹ ನೀವು ಜೈಲಿಗೆ ಹೋಗಬೇಕಾಗುತ್ತದೆ. ಹೀಗಾಗಿ ನೀವು ಇದಕ್ಕೆ ಸಂಬಂಧಿಸಿದ ನಿಯಮಗಳ ಬಗ್ಗೆ ತಿಳಿಯುವುದು ತುಂಬಾ ಮುಖ್ಯ. ಆದಾಯ ತೆರಿಗೆಗೆ ಸಂಬಂಧಿಸಿದ ನಿಯಮಗಳ ಬಗ್ಗೆ ಮತ್ತಷ್ಟು ಮಾಹಿತಿ ತಿಳಿದುಕೊಳ್ಳಿರಿ.

ಇದನ್ನೂ ಓದಿ: ಸುಕನ್ಯಾ ಸಮೃದ್ಧಿ ಯೋಜನೆಯಲ್ಲಿ ದೊಡ್ಡ ಬದಲಾವಣೆಗಳು! ಹೂಡಿಕೆ ಮಾಡುವ ಮುನ್ನ ತಿಳಿದುಕೊಳ್ಳಿ

5000 ರೂ. ವಿಳಂಬ ಶುಲ್ಕ

ತೆರಿಗೆ ಮತ್ತು ಹೂಡಿಕೆ ತಜ್ಞ ಆಶಿಶ್ ಮಿಶ್ರಾ ಹೇಳುವ ಪ್ರಕಾರ, 5 ಲಕ್ಷಕ್ಕಿಂತ ಹೆಚ್ಚಿನ ಆದಾಯ ಹೊಂದಿರುವವರು ಐಟಿಆರ್ ಫೈಲ್ ಸಲ್ಲಿಸಬಹುದು. 5 ಲಕ್ಷಕ್ಕಿಂತ ಕಡಿಮೆ ವಾರ್ಷಿಕ ಆದಾಯಕ್ಕೆ 1000 ರೂ. ಮತ್ತು 5 ಲಕ್ಷಕ್ಕಿಂತ ಹೆಚ್ಚಿನ ಆದಾಯಕ್ಕೆ 5000 ರೂ. ವಿಳಂಬ ಶುಲ್ಕವನ್ನು ಪಾವತಿಸಬೇಕಾಗುತ್ತದೆ.

ಶೇ.50 ರಿಂದ 200ರಷ್ಟು ದಂಡ!  

ದಂಡದ ಬಗ್ಗೆ ಮಾಹಿತಿ ನೀಡಿರುವ ಆಶಿಶ್, ‘ಕೊನೆಯ ದಿನಾಂಕದೊಳಗೆ ಐಟಿಆರ್ ಸಲ್ಲಿಸಿದಾಗ, ತೆರಿಗೆ ಪಾವತಿದಾರರು ಅದನ್ನು ಸರಿಪಡಿಸುವ ಆಯ್ಕೆಯನ್ನು ಹೊಂದಿರುತ್ತಾರೆ. ಆದರೆ ನೀವು ರಿಟರ್ನ್ ಸಲ್ಲಿಸದಿದ್ದರೆ ಈ ಸೌಲಭ್ಯದ ಪ್ರಯೋಜನ ಸಿಗುವುದಿಲ್ಲ. ಐಟಿಆರ್ ಸಲ್ಲಿಸದಿದ್ದಲ್ಲಿ ತೆರಿಗೆ ಪಾವತಿದಾರರು ಆದಾಯ ತೆರಿಗೆಯ ಮೊತ್ತದ ಮೇಲೆ ಶೇ.50 ರಿಂದ 200 ಪ್ರತಿಶತದಷ್ಟು ದಂಡ ಪಾವತಿಸಬೇಕಾಗುತ್ತದೆ. ಈ ಹಕ್ಕು ಆದಾಯ ತೆರಿಗೆ ಇಲಾಖೆಗೆ ಸೇರಿರುತ್ತದೆ.

ಇದನ್ನೂ ಓದಿ: PF ಚಂದಾದಾರರಿಗೆ ಸಿಹಿ ಸುದ್ದಿ : ನಿಮ್ಮ ಖಾತೆಗೆ ಬರಲಿದೆ ₹81,000, ಹೇಗೆ ಇಲ್ಲಿ ಪರಿಶೀಲಿಸಿ

ಗರಿಷ್ಠ 7 ವರ್ಷ ಜೈಲು ಶಿಕ್ಷೆ

ಆಶಿಶ್ ಹೇಳುವ ಪ್ರಕಾರ, ಐಟಿಆರ್ ಸಲ್ಲಿಸದವರ ವಿರುದ್ಧವೂ ಸರ್ಕಾರ ಕಾನೂನು ಕ್ರಮ ಕೈಗೊಳ್ಳಬಹುದು. ಪ್ರಸ್ತುತ ಆದಾಯ ತೆರಿಗೆ ನಿಯಮಗಳ ಪ್ರಕಾರ ಇದರಲ್ಲಿ ಕನಿಷ್ಠ 3 ವರ್ಷ ಮತ್ತು ಗರಿಷ್ಠ 7 ವರ್ಷ ಜೈಲು ಶಿಕ್ಷೆ ವಿಧಿಸುವ ಅವಕಾಶವಿದೆ. ಆದಾಗ್ಯೂ, ಪ್ರತಿ ಪ್ರಕರಣದಲ್ಲಿ ತೆರಿಗೆದಾರರನ್ನು ವಿಚಾರಣೆಗೆ ಒಳಪಡಿಸಲಾಗುವುದಿಲ್ಲ. ತೆರಿಗೆ ಮೊತ್ತ 10 ಸಾವಿರ ರೂ.ಕ್ಕಿಂತ ಹೆಚ್ಚಿದ್ದರೆ ಮಾತ್ರ ಇದನ್ನು ಮಾಡಬಹುದಾಗಿದೆ.