yahoo layoffs : ಉದ್ಯೋಗಿಗಳನ್ನು ಕೆಲಸದಿಂದ ವಜಾಗೊಳಿಸುವ ಪ್ರಕ್ರಿಯೆ ವಿಶ್ವಾದ್ಯಂತ ಕಂಪನಿಗಳಲ್ಲಿ ಮುಂದುವರಿಯುತ್ತಿದೆ. ಇದೀಗ ಈ ಪಟ್ಟಿಗೆ ಯಾಹೂ ಸೇರ್ಪಡೆಯಾಗಿದೆ. ಕಂಪನಿಯು ತನ್ನ ಒಟ್ಟು ಉದ್ಯೋಗಿಗಳ 20 ಪ್ರತಿಶತ ಉದ್ಯೋಗಿಗಳನ್ನು ಮನೆಗೆ ಕಳುಹಿಸಲು ನಿರ್ಧರಿಸಿದೆ. ಕಂಪನಿಯ ಈ ನಿರ್ಧಾರದ ಅನ್ವಯ ಕನಿಷ್ಠ 1,600 ಉದ್ಯೋಗಿಗಳು ಕೆಲಸ ಕಳೆದುಕೊಳ್ಳುವ ಭೀತಿ ಎದುರಾಗಿದೆ. ಕಂಪನಿಯು ತನ್ನ ಶೇಕಡಾ 12 ರಷ್ಟು ಉದ್ಯೋಗಿಗಳಿಗೆ ಈ ಬಗ್ಗೆ ಮೇಲ್ ಕಳುಹಿಸಿದೆ. ದಿನದ ಅಂತ್ಯದ ವೇಳೆಗೆ ಕನಿಷ್ಠ 12 ಶೇಕಡಾ ಅಂದರೆ 1,000 ಉದ್ಯೋಗಿಗಳನ್ನು ವಜಾಗೊಳಿಸಾಲು ನಿರ್ಧರಿಸಿದೆ. ಉಳಿದ ಶೇಕಡಾ 8 ರಷ್ಟು ಉದ್ಯೋಗಿಗಳನ್ನು ಅಂದರೆ 600 ಜನರನ್ನು ಮುಂದಿನ 6 ತಿಂಗಳಲ್ಲಿ ವಜಾ ಮಾಡಲಾಗುವುದು ಎನ್ನಲಾಗಿದೆ.
ಒಟ್ಟು 1600 ಉದ್ಯೋಗಿಗಳ ಕೆಲಸದ ಮೇಲೆ ತೂಗು ಗತ್ತಿ :
ಯಾಹೂ ತನ್ನ ಒಟ್ಟು ಉದ್ಯೋಗಿಗಳ ಸಂಖ್ಯೆಯಲ್ಲಿ ಶೇಕಡಾ 20 ರಷ್ಟು ಕಡಿತ ಮಾಡುವುದಾಗಿ ಸ್ಪಷ್ಟಪಡಿಸಿದೆ. ಈ ಹಿನ್ನೆಲೆಯಲ್ಲಿ ಒಟ್ಟು 1,600 ಜನರ ಉದ್ಯೋಗದ ಮೇಲೆ ಪರಿಣಾಮ ಬೀರುವುದು ಖಚಿತವಾಗಿದೆ. ಅದೇ ಸಮಯದಲ್ಲಿ, Yahoo ನ 50 ಪ್ರತಿಶತಕ್ಕೂ ಹೆಚ್ಚು ಟೆಕ್ ಉದ್ಯೋಗಿಗಳು ಈ ವಜಾಗೊಳಿಸುವ ಪ್ರಕ್ರಿಯೆಯಿಂದ ಪ್ರಭಾವಿತರಾಗುತ್ತಾರೆ. ಇನ್ನೊಂದೆಡೆ, ಜಾಗತಿಕ ಆರ್ಥಿಕ ಹಿಂಜರಿತದ ಕಾರಣದಿಂದ ಉದ್ಯೋಗಿಗಳ ಕೆಲ್ಸಕ್ಕೆ ಕತ್ತರಿ ಹಾಕುತ್ತಿಲ್ಲ ಎನ್ನುವುದನ್ನು Yahoo ನ CEO Jim Lanzone ಸ್ಪಷ್ಟಪಡಿಸಿದ್ದಾರೆ. Yahooನ ನಷ್ಟದ ಘಟಕಗಳನ್ನು ಸರಿದೂಗಿಸುವ ಸಲುವಾಗಿ ಈ ಕ್ರಮ ಎಂದು ಹೇಳಿದ್ದಾರೆ.
ಇದನ್ನೂ ಓದಿ : Gold Price Today: ಚಿನ್ನದ ಬೆಲೆಗೆ ಸಂಬಂಧಿಸಿದಂತೆ ಒಂದು ಗುಡ್ ನ್ಯೂಸ್, 2200 ರೂ.ಗಳಷ್ಟು ಅಗ್ಗವಾಯ್ತು ತೊಲೆ ಚಿನ್ನ!
7,000 ಉದ್ಯೋಗಿಗಳನ್ನು ಮನೆಗೆ ಕಳುಹಿಸಿದ ಡಿಸ್ನಿ :
ಯಾಹೂವನ್ನು ಹೊರತುಪಡಿಸಿದರೆ ದೊಡ್ಡ ಮನರಂಜನಾ ಕಂಪನಿ ಡಿಸ್ನಿ ತನ್ನ 7,000 ಉದ್ಯೋಗಿಗಳನ್ನು ವಜಾಗೊಳಿಸುವುದಾಗಿ ಘೋಷಿಸಿದೆ. ಕಂಪನಿಯ ಸಿಇಒ ಬಾಬ್ ಇಗರ್ ಈ ವಿಷಯವನ್ನು ಘೋಷಿಸಿದ್ದಾರೆ. ಇದಲ್ಲದೇ, ಆರ್ಥಿಕ ಹಿಂಜರಿತದಿಂದಾಗಿ, ಮೆಟಾ (ಫೇಸ್‌ಬುಕ್ ಮತ್ತು ಇನ್‌ಸ್ಟಾಗ್ರಾಮ್), ಅಮೆಜಾನ್, ಮೈಕ್ರೋಸಾಫ್ಟ್, ಎಸ್‌ಎಪಿ, ಒಎಲ್‌ಎಕ್ಸ್ ನಂಥಹ ಕೆಲವು ದೊಡ್ಡ ಕಂಪನಿಗಳು ದೊಡ್ಡ ಪ್ರಮಾಣದಲ್ಲಿಯೇ ತಮ್ಮ ಉದ್ಯೋಗಿಗಳನ್ನು ಕೆಲಸದಿಂದ ವಜಾ ಮಾಡಿವೆ.
ಇದನ್ನೂ ಓದಿ : PM Kisan : ಪಿಎಂ ಕಿಸಾನ್ 13ನೇ ಕಂತಿನ ಹಣ ಬೇಕಾದರೆ, ತಪ್ಪದೆ ಇಂದೇ E-Kyc ಮಾಡಿಸಿ!
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
