ಮುಂಬೈ: ಮಾರ್ಚ್ 8 ರಂದು ಅಂತರಾಷ್ಟ್ರೀಯ ಮಹಿಳಾ ದಿನ ಎಂದು ಎಲ್ಲರಿಗೂ ತಿಳಿದೆ ಇದೆ. ಈ ದಿನದಂದು ರಣವಿಕ್ರಮದ ಬೆಡಗಿ ಅಧಾ ಶರ್ಮಾ ವಿಭಿನ್ನವಾಗಿ ಟ್ವೀಟ್ ಮಾಡಿದ್ದಾರೆ.
ತಮ್ಮ ಟ್ವೀಟ್ ಜೊತೆಗೆ ಅಪ್ಪಟ ಗೃಹಣಿ ವೇಷದಲ್ಲಿ ಕಾಣಿಸಿಕೊಂಡಿರುವ ಅಧಾ ಶರ್ಮಾ ಗಜ್ಜರಿ ಕತ್ತರಿಸುತ್ತಾ ಪೋಸ್ ನೀಡಿದ್ದಾರೆ. ತಮ್ಮ ಟ್ವೀಟ್ ನಲ್ಲಿ ' ಮಹಿಳೆಯ ಸ್ಥಾನ ಅಡುಗೆಮನೆಯಲ್ಲಿದೆ ... ಒಪ್ಪುತ್ತೀರಾ ಅಥವಾ ಒಪ್ಪುವುದಿಲ್ಲವೇ? ? ನಾನು ಒಪ್ಪುವೆ ಏಕೆಂದರೆ ಎಲ್ಲ ಚಾಕು ಗಳು ಅಲ್ಲೇ ಇರುತ್ತವೆ' ಎಂದು ಟ್ವೀಟ್ ಮಾಡಿದ್ದಾರೆ. ಇನ್ನು ಮುಂದುವರೆದು' ಘರ್ ಘರ್ ಕೀ ಕಹಾನಿ ಮಹಿಳಾ ದಿನದಂದು ಬಿಡುಗಡೆಯಾಗುತ್ತಿದೆ, ಈ ಸಂದರ್ಭದಲ್ಲಿ ನಾನು ನಿಮ್ಮ ಜೊತೆ ಹಂಚಿಕೊಳ್ಳಲು ಇಷ್ಟಪಡುತ್ತೇನೆ''ಎಂದು ಟ್ವೀಟ್ ಮಾಡಿದ್ದಾರೆ.
A woman's place is in the kitchen...Agree or Disagree?
I agree coz that's where all the knives are kept 😈
.
.
घर घर Ki कहानी releasing on Women's Day ! Cannnnnnotttttt wait to share this with u all 💁♀️💪👊🔪 pic.twitter.com/rkGk4bKxJ5— Adah Sharma (@adah_sharma) March 7, 2020
2008 ರಲ್ಲಿ ತೆರೆಗೆ ಬಂದಂತಹ 1920 ಸಿನಿಮಾದ ಮೂಲಕ ಬೆಳ್ಳಿತೆರೆಗೆ ಪ್ರವೇಶಿಸಿದ ಅಧಾ ಶರ್ಮಾ ಕನ್ನಡದಲ್ಲಿ ಪುನೀತ್ ರಾಜ್ ಕುಮಾರ್ ನಟಿಸಿರುವ ರಣ ವಿಕ್ರಮ ಸಿನಿಮಾದಲ್ಲಿ ನಾಯಕಿ ಪಾತ್ರವನ್ನು ನಿರ್ವಹಿಸಿದ್ದರು. ಇದಲ್ಲದೆ ತೆಲುಗು,ತಮಿಳು ಸಿನಿಮಾದಲ್ಲಿಯೂ ಕೂಡ ಅವರು ನಟಿಸಿದ್ದಾರೆ.
