ಭಾರತ ಕ್ರಿಕೆಟ್ ತಂಡದ ಮಾಜಿ ನಾಯಕ ಮತ್ತು ಚೆನ್ನೈ ಸೂಪರ್ ಕಿಂಗ್ಸ್ ಹಾಲಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರ ಮುಂಬರುವ ಗ್ರಾಫಿಕ್ ಕಾದಂಬರಿ 'ಅಥರ್ವ: ದಿ ಒರಿಜಿನ್' ನಲ್ಲಿ (Atharva: The Origin) ಅಥರ್ವ ಎಂಬ ಯೋಧ ನಾಯಕನಾಗಿ ಕಾಣಿಸಿಕೊಳ್ಳಲಿದ್ದಾರೆ. ಧೋನಿ ತಮ್ಮ ಮುಂಬರುವ ಪೌರಾಣಿಕ ವೈಜ್ಞಾನಿಕ ವೆಬ್ ಸರಣಿಯ ಫಸ್ಟ್ ಲುಕ್ ಟೀಸರ್ ಅನ್ನು ಈ ತಿಂಗಳ ಆರಂಭದಲ್ಲಿ ತಮ್ಮ ಫೇಸ್‌ಬುಕ್ ಹ್ಯಾಂಡಲ್‌ನಲ್ಲಿ ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ:
ರಮೇಶ್ ತಮಿಳ್ಮಣಿ ಅವರು ಧೋನಿ (MS Dhoni)ಒಳಗೊಂಡ ಈ ಬಹು ನಿರೀಕ್ಷಿತ ಗ್ರಾಫಿಕ್ ಕಾದಂಬರಿಯ ಲೇಖಕರಾಗಿದ್ದಾರೆ. ಇತ್ತೀಚಿನ ಸಂದರ್ಶನವೊಂದರಲ್ಲಿ, ರಮೇಶ್ ಅವರು ಈ ಕಲ್ಪನೆಯನ್ನು ಹೇಗೆ ಮೆರುಗುಗೊಳಿಸಿದರು ಎಂಬುದನ್ನು ಬಹಿರಂಗಪಡಿಸಿದರು.
ಧೋನಿಯ ಒಪ್ಪಿಗೆಯೊಂದಿಗೆ ರಮೇಶ್ ಅವರ ಕನಸು ನಿಧಾನವಾಗಿ ನನಸಾಗಲು ಪ್ರಾರಂಭಿಸಿತು. 'ಅಥರ್ವ - ದಿ ಒರಿಜಿನ್' ಮಹತ್ವಾಕಾಂಕ್ಷೆಯ ಗ್ರಾಫಿಕ್ ಕಾದಂಬರಿಯಾಗಿದ್ದು, ಕ್ರಿಕೆಟಿಗನನ್ನು (Cricketer) ಹೊಸ ಪ್ರಪಂಚಕ್ಕೆ ಮುನ್ನುಗ್ಗುತ್ತಿರುವ ಯೋಧ ನಾಯಕನಂತೆ ಚಿತ್ರಿಸುತ್ತದೆ. ಇತ್ತೀಚೆಗೆ ಬಿಡುಗಡೆಯಾದ ಮೋಷನ್ ಪೋಸ್ಟರ್‌ನೊಂದಿಗೆ, ಮುಂದಿನ ಒಂದೆರಡು ವಾರಗಳಲ್ಲಿ ಪುಸ್ತಕದ ಮುಂಗಡ-ಕೋರಿಕೆಗಳು ಪ್ರಾರಂಭವಾಗಲಿವೆ.
ಪುಸ್ತಕವು 'ಹೊಸ-ಯುಗದ ಗ್ರಾಫಿಕ್ ಕಾದಂಬರಿ'ಯೊಂದಿಗೆ ಹೊಸ ವಿಶ್ವಕ್ಕೆ ಓದುಗರನ್ನು ಟೆಲಿಪೋರ್ಟ್ ಮಾಡುತ್ತದೆ ಎಂದು ಲೇಖಕರು ಆಶಿಸಿದ್ದಾರೆ. "ನಾವು ಸಾಹಸ ದೃಶ್ಯಗಳಿಗಾಗಿ ಸ್ಟಂಟ್ ಮಾಸ್ಟರ್‌ಗಳನ್ನು ನೇಮಿಸಿದ್ದೇವೆ. ನಾವು ದೃಶ್ಯಾವಳಿಗಳನ್ನು ಪ್ರದರ್ಶಿಸುತ್ತೇವೆ, ಫೋಟೋಗಳನ್ನು ತೆಗೆದುಕೊಳ್ಳುತ್ತೇವೆ ಮತ್ತು ನಂತರ ಅವುಗಳನ್ನು ಕಲಾಕೃತಿಗಳಾಗಿ ಮಾಡುತ್ತೇವೆ" ಎಂದು ರಮೇಶ್ ಹೇಳಿದರು.
ಗ್ರಾಫಿಕ್ ಕಾದಂಬರಿಯ ಟೀಸರ್ (Atharva teaser) ಬಿಡುಗಡೆ ಮಾಡುವಾಗ, ಧೋನಿ ತಮ್ಮ ಫೇಸ್‌ಬುಕ್ (Facebook) ಪುಟದಲ್ಲಿ, "ನನ್ನ ಹೊಸ ಅವತಾರವನ್ನು ಘೋಷಿಸಲು ಸಂತೋಷವಾಗಿದೆ..... ಅಥರ್ವ...." ಎಂದು ಬರೆದಿದ್ದಾರೆ. ಇದು ಯುದ್ಧಭೂಮಿಯಲ್ಲಿ ಅನಿಮೇಟೆಡ್ ಅವತಾರದಲ್ಲಿ ಧೋನಿಯನ್ನು ಒಳಗೊಂಡಿದೆ.
ಇದನ್ನೂ ಓದಿ:
ಮುಂಬರುವ ಸರಣಿಯನ್ನು (Web series) ಧೋನಿ ಎಂಟರ್‌ಟೈನ್‌ಮೆಂಟ್ ಬೆಂಬಲಿಸುತ್ತದೆ. ಇದು 2019 ರಲ್ಲಿ ಧೋನಿ ಮತ್ತು ಅವರ ಪತ್ನಿ ಸಾಕ್ಷಿ ಸಿಂಗ್ ಧೋನಿ ಸ್ಥಾಪಿಸಿದ ಮಾಧ್ಯಮ ಕಂಪನಿಯಾಗಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
