Super T10 Cricket League : ಅಭಿನಯ ಚಕ್ರವರ್ತಿ ಕಿಚ್ಚ ಸುದೀಪ್ ಮತ್ತು ವೆಸ್ಟ್ ಇಂಡಿಯನ್ ಕ್ರಿಕೆಟ್ ಲೆಜೆಂಡ್ ಕ್ರಿಸ್ ಗೇಲ್ ಅವರು 10 ಓವರ್‌ಗಳಲ್ಲಿ ಸ್ಪರ್ಧಿಸಲು ಭಾರತೀಯ ನಟರು, ವಿವಿಧ ರಾಷ್ಟ್ರಗಳ ನಿವೃತ್ತ ಅಂತಾರಾಷ್ಟ್ರೀಯ ಕ್ರಿಕೆಟಿಗರನ್ನು ಒಟ್ಟುಗೂಡಿಸುವ ವಿಶಿಷ್ಟ ಕ್ರಿಕೆಟ್ ಪಂದ್ಯಾವಳಿ 'ಸೂಪರ್ 10' ಮೊದಲ ಆವೃತ್ತಿಯ ಬಗ್ಗೆ ಬಿಗ್ ಅಪ್‌ಡೇಟ್‌ ನೀಡಿದ್ದಾರೆ. ಸಣ್ಣ ಸ್ವರೂಪದ ಕ್ರಿಕೆಟ್ ಸದ್ಭಾವನಾ ಪಂದ್ಯಾವಳಿಯು ಹೆಚ್ಚಿನ ಪ್ರಮಾಣದ ಮನರಂಜನೆ ನೀಡಲಿದೆ. ಡಿಸೆಂಬರ್ 2022 ರಲ್ಲಿ ಬೆಂಗಳೂರಿನಲ್ಲಿ 2 ದಿನಗಳ ಕಾಲ ನಡೆಯಲಿದೆ.
ಇದನ್ನೂ ಓದಿ : Adipurush team : ಪ್ರಭಾಸ್, ಸೈಫ್ ಅಲಿ ಖಾನ್, ಓಂ ರಾವುತ್ ವಿರುದ್ಧ ಕೇಸ್!
ಲೀಗ್‌ನಲ್ಲಿ ಬಾಲಿವುಡ್, ಕನ್ನಡ, ತಮಿಳು ಮತ್ತು ತೆಲುಗು ಉದ್ಯಮದ ನಟರು ಮತ್ತು ವಿಶ್ವದಾದ್ಯಂತದ ಮಾಜಿ ಕ್ರಿಕೆಟಿಗರು ಒಟ್ಟಿಗೆ ಸೇರುತ್ತಾರೆ. ವೆಸ್ಟ್ ಇಂಡಿಯನ್ ಕ್ರಿಕೆಟಿಂಗ್ ಲೆಜೆಂಡ್ ಕ್ರಿಸ್ ಗೇಲ್ ಮಾತನಾಡಿ, "ಭಾರತೀಯ ಮನರಂಜನಾ ಉದ್ಯಮದಲ್ಲಿ ಕೆಲವು ಗಮನಾರ್ಹ ಹೆಸರುಗಳೊಂದಿಗೆ ಕ್ರಿಕೆಟ್ ಆಡಲು ಉತ್ಸುಕನಾಗಿದ್ದೇನೆ. ಪಂದ್ಯಾವಳಿಯನ್ನು T10 ಫಾರ್ಮ್ಯಾಟ್‌ಗೆ ಹೊಂದಿಸಲಾಗಿದೆ" ಎಂದಿದ್ದಾರೆ.
ಸೂಪರ್‌ಸ್ಟಾರ್ ಕಿಚ್ಚ ಸುದೀಪ್, "ಕ್ರಿಕೆಟ್, ಮನರಂಜನೆ ಮತ್ತು ಕಾರ್ಪೊರೇಟ್ ವಲಯದ ಸ್ನೇಹಿತರೊಂದಿಗೆ ಸ್ನೇಹಪರ ಮತ್ತು ಸ್ಪರ್ಧಾತ್ಮಕ ಕ್ರೀಡೆಯನ್ನು ಆಡಲು ಸೂಪರ್ ಟಿ10 ಲೀಗ್ ಉತ್ತಮ ಅವಕಾಶವಾಗಿದೆ. ನಾವು ಭಾರತೀಯರು ಕ್ರಿಕೆಟ್ ಅನ್ನು ಪ್ರೀತಿಸುತ್ತಿರುವುದರಿಂದ, ಕ್ರೀಡೆಯ ಮೇಲಿನ ನಮ್ಮ ಉತ್ಸಾಹ ಮತ್ತು ನಮ್ಮ ಕೌಶಲ್ಯವನ್ನು ಪ್ರದರ್ಶಿಸುವ ನನ್ನಂತಹ ನಟರೊಂದಿಗೆ ನಾವು ಮೋಜಿನ ಪಂದ್ಯಗಳನ್ನು ನಿರೀಕ್ಷಿಸಬಹುದು" ಎಂದಿದ್ದಾರೆ.
ಇದನ್ನೂ ಓದಿ : Actresses Miscarriage: ಶಿಲ್ಪಾ ಶೆಟ್ಟಿ ಟು ಕಾಜೋಲ್‌.. ಮಗು ಕಳೆದುಕೊಂಡು ನೋವುಂಡ ನಟಿಯರು ಇವರು.!
ಬಿಡುಗಡೆಯ ಕುರಿತು ಪ್ರತಿಕ್ರಿಯಿಸಿದ ಸಿಇಒ ಮತ್ತು ಸೂಪರ್ 10 ಕ್ರಿಕೆಟ್ ಸಂಸ್ಥಾಪಕ ದಿನೇಶ್ ಕುಮಾರ್, "ನಾವು ಈಗ ಒಂದು ವರ್ಷದಿಂದ ಈ ʻಕ್ರಿಕೆಟ್‌ಟೈನ್‌ಮೆಂಟ್ʼ (Cricketainment) ಪರಿಕಲ್ಪನೆಯಲ್ಲಿ ಕೆಲಸ ಮಾಡುತ್ತಿದ್ದೇವೆ. ಇದು ಮೊದಲ ಆವೃತ್ತಿಯಾಗಿದೆ ಮತ್ತು ವೀಕ್ಷಕರಿಗೆ ಹೆಚ್ಚಿನ ಆಕ್ಟೇನ್ ಆಟವನ್ನು ಹೊರತರಲು ನಾವು ಬದ್ಧರಾಗಿದ್ದೇವೆ. ಕ್ರಿಕೆಟ್‌ನ ಜಾಗತಿಕ ಆಸಕ್ತಿಯನ್ನು ಬಲಪಡಿಸುವುದು ಪಂದ್ಯಾವಳಿಯ ಉದ್ದೇಶವಾಗಿದೆ. ಜಾಗತಿಕವಾಗಿ ಎಲ್ಲಾ ಕ್ರಿಕೆಟ್ ಅಭಿಮಾನಿಗಳಿಗೆ ರೋಮಾಂಚಕ ಆಟಗಳ ಸರಣಿಯನ್ನು ಪ್ರಸ್ತುತಪಡಿಸುತ್ತೇವೆ" ಎಂದಿದ್ದಾರೆ.
ಈ ಟೂರ್ನಿಯಲ್ಲಿ ಪ್ರತಿ ತಂಡಕ್ಕೂ 10 ಓವರ್‌ಗಳ ಆಟ ಆಡಿಸಲಾಗುವುದು ಮತ್ತು ಇದರಲ್ಲಿ ಪ್ರಮುಖವಾಗಿ ಭಾರತದ ಎಲ್ಲಾ ಭಾಷೆಯ ನಟರು ಪಾಲ್ಗೊಳ್ಳುತ್ತಾರೆ. ಇವರ ಜೊತೆಗೆ ವಿಶ್ವ ಕ್ರಿಕೆಟ್‌ನಲ್ಲಿ ನಿವೃತ್ತರಾದ ಆಟಗಾರರು ಇರುತ್ತಾರೆ. ಭಾರತದ ನಟರ ಒಂದು ತಂಡ ಹಾಗೂ ಮಾಜಿ ಕ್ರಿಕೆಟಿಗರ ಒಂದು ತಂಡ ಸೆಣಸಾಡಲಿದೆ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
!["ವಿರಾಟ್ ಕೊಹ್ಲಿ ಕೋಡಂಗಿ, ಕ್ರೈ ಬೇಬಿ, ಹೇಡಿ..."- ಹೀಗಂದು ಭಾರತದ ಸ್ಟಾರ್ ಕ್ರಿಕೆಟಿಗನಿಗೆ ಅವಮಾನ ಮಾಡಿದ್ಯಾರು?](https://kannada.cdn.zeenews.com/kannada/sites/default/files/styles/zm_175x100/public/2024/12/27/479476-australian-media-insulted-virat-kohli.jpg?itok=ItOACOuW ""ವಿರಾಟ್ ಕೊಹ್ಲಿ ಕೋಡಂಗಿ, ಕ್ರೈ ಬೇಬಿ, ಹೇಡಿ..."- ಹೀಗಂದು ಭಾರತದ ಸ್ಟಾರ್ ಕ್ರಿಕೆಟಿಗನಿಗೆ ಅವಮಾನ ಮಾಡಿದ್ಯಾರು?")
