ಹಿರೋ ಅಲ್ಲ, ನಿರ್ದೇಶಕರೂ ಅಲ್ಲ..ಜವಾನ್‌ ಪ್ರಿವ್ಯೂ ವೀಕ್ಷಿಸಿದ ಪ್ರತಿಯೊಬ್ಬರು ಮೆಚ್ಚಿದ್ದು ಇವರನ್ನೇ..!

Anirudh Ravichander : ಮೊನ್ನೆಯಷ್ಟೇ ಜವಾನ್‌ ಚಿತ್ರತಂಡ ಯೂಟೂಬ್‌ನಲ್ಲಿ ಸಂಚಲನ ಮೂಡಿಸಿತ್ತು. ಪ್ರಿವ್ಯೂ ಹೆಸರಿನಲ್ಲಿ ಟ್ರೈಲರ್‌ ಬಿಡುಗಡೆ ಮಾಡಿ ಕಿಕ್ಕೇರಿಸಿದೆ. ಇಲ್ಲಿ ನಟ ಹಾಗೂ ನಿರ್ದೇಶಕರ ಹೊರತ ತಂಡದ ಮತ್ತೊರ್ವ ಕಲಾವಿದ ಹೆಚ್ಚು ಮೆಚ್ಚುಗೆಯನ್ನು ಗಿಟ್ಟಿಸಿಕೊಳ್ಳುತ್ತಿದ್ದಾರೆ.

Javan Trailer : ಭಾನುವಾರ ರಜಾದಿನ ಮುಗಿಸಿ ಸೋಮವಾರ ಕೆಲಸ, ಕಾಲೇಜು ಎಂದು ದಿನವನ್ನು ಆರಂಭಿಸಿದವರಿಗೆ ಜವಾನ್‌ ಚಿತ್ರತಂಡ ಪ್ರಿವ್ಯೂ ಹೆಸರಿನಲ್ಲಿ ಭರ್ಜರಿ ಟ್ರಿಟ್‌ ಕೊಟ್ಟಿತ್ತು. 2 ನಿಮಿಷ 12 ಸೆಕೆಂಡುಗಳ ನಾನ್‌ಸ್ಟಾಪ್‌ ಬೊಂಬಾಟ್‌ ದೃಶ್ಯಗಳನ್ನೊಳಗೊಂಡ ಟ್ರೈಲರ್‌ ಇದಾಗಿದ್ದು ರಿಲೀಸ್‌ ಆಗಿ ಕೆಲವೇ ನಿಮಿಷಗಳಲ್ಲಿ ಸೋಷಿಯಲ್‌ ಮಿಡಿಯಾದ ತುಂಬಾ ಕ್ರೆಜ್‌ ಹೆಚ್ಚಿಸಿತ್ತು. 

ಗೌರಿ ಖಾನ್‌ ನಿರ್ಮಾಣದಲ್ಲಿ ಮೂಡಿಬರಲಿರುವ ಈ ಚಿತ್ರ ಸೆಪ್ಟಂಬರ್‌ 7ರಂದು ತೆರೆಗೆ ಬರಲಿದ್ದು, ಚಿತ್ರದಲ್ಲಿ ಮಾಸ್‌ ಹಿರೋ ಶಾರುಖ್‌ ಖಾನ್‌ ನಾಯಕನಾಗಿ ಮತ್ತು ನಯನತಾರಾ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಇನ್ನು ದೀಪಿಕಾ ಪಡುಕೋಣೆ ಅತಿಥಿ ಪಾತ್ರದಲ್ಲಿ, ಪ್ರಿಯಾಮಣಿ, ವಿಜಯ್‌, ಸೇತುಪತಿ, ಸಹ ಚಿತ್ರದ ತಾರಾಗಣದಲ್ಲಿದ್ದಾರೆ.

ಇದನ್ನೂ ಓದಿ-Netflix-Disney ವೇದಿಕೆಗಳ ಅಶ್ಲೀಲ ವಿಷಯಗಳ ಮೇಲೆ ಹರಿಯಲಿದೆ ಕತ್ತರಿ! ಸರ್ಕಾರದ ಕ್ರಮ

ಇನ್ನು ಈ ಜವಾನ್‌ ಚಿತ್ರದ ಮೂಲಕ ತಮಿಳು ನಿರ್ದೇಶಕ ಅಟ್ಲಿ ಬಾಲಿವುಡ್‌ಗೆ ಪಾದಾರ್ಪಣೆ ಮಾಡಲಿದ್ದಾರೆ. ಚಿತ್ರ ಟೈಟಲ್‌ನಿಂದಲೇ ಸಾಕಷ್ಟು ನಿರೀಕ್ಷೆಗಳನ್ನು ಹುಟ್ಟುಹಾಕಿತ್ತು. ಇದೀಗ ಪ್ರಿವ್ಯೂ ಬಳಿಕ ಅದು ಇನ್ನು ದುಪ್ಪಟ್ಟಾಗಿದೆ. ಸಿನಿಮಾ ಯಾವಾಗ ರಿಲೀಸ್‌ ಆಗುತ್ತೋ ಎಂದು ಶಾರುಖ್‌ ಫ್ಯಾನ್ಸ್‌ ಕಾತೂರದಿಂದ ಕಾಯುತ್ತಿದ್ದಾರೆ. 

ಬಿಡುಗಡೆಗೊಂಡ ಕೆಲವೇ ನಿಮಿಷಗಳಲ್ಲಿ ಹಿಟ್‌ಲಿಸ್ಟ್‌ನಲ್ಲಿ ಜಾಗ ಗಿಟ್ಟಿಸಿಕೊಂಡಿರುವ ಜವಾನ್‌ ಟ್ರೇಲರ್‌ನಲ್ಲಿ ಶಾರುಖ್‌ ಖಾನ್‌ ವಿಭಿನ್ನ ಲುಕ್‌ನ್ಲಲಿ ಕಾಣಿಸಿಕೊಂಡಿದ್ದಾರೆ. ಇನ್ನು ಈ ಸಿನಿಮಾದ ನಿರ್ದೇಶಕ ಅಟ್ಲಿ ಅವರನ್ನು ಜನ ಮೆಚ್ಚಿದ್ದಾರೆ.. ಇನ್ನೊಂದು ವಿಶೇಷತೆಯೆಂದರೆ ಈ ಇಬ್ಬರಿಗಿಂತಲೂ ಚಿತ್ರತಂಡದ ಮತ್ತೋರ್ವ ಕಲಾವಿದ ಹೆಚ್ಚು ಮೆಚ್ಚುಗೆಯನ್ನು ಗಳಿಸಿದ್ದಾನೆ.

ಹೌದು ಜವಾನ್‌ ಚಿತ್ರಕ್ಕೆ ಸಂಗೀತ ನಿರ್ದೇಶನ ಮಾಡಿರುವ ಅನಿರುದ್ಧ ರವಿಚಂದರ್‌ ಬಗ್ಗೆ ಬಾರೀ ಮಟ್ಟದಲ್ಲಿ ಪ್ರಶಂಸೆ ದೊರಕುತ್ತಿದೆ. ಕೊನೆಯವರೆಗೂ ಬ್ಯಾಕ್‌ಗ್ರೌಂಡ್‌ ಮ್ಯೂಸಿಕ್‌ನಿಂದ ಮೈಪುಳಕ ಉಂಟಾಗುವಂತೆ ಮಾಡಿ ಫ್ಯಾನ್ಸ್‌ ಮನಸ್ಸಲ್ಲಿ ಹಾವಳಿ ಎಬ್ಬಿಸಿದ್ದಾರೆ. ಬಿಡುಗಡೆಯಾಗಿ ಹವಾ ಮಾಡುತ್ತಿರುವ ಜವಾನ್‌ ಪ್ರಿವ್ಯೂ ಗೆ ನೆಟ್ಟಿಗರು ಕಾಮೆಂಟ್‌ ಮಾಡಿದ್ದು, ಅದರಲ್ಲಿ ಹೆಚ್ಚು ಜನ ಬಿಜಿಎಮ್‌ ಸಖತ್‌ ಆಗಿದೆ ಎಂದೇ ಕಾಮೆಂಟ್‌ ಮಾಡಿದ್ದಾರೆ. ಹಿನ್ನೆಲೆ ಸಂಗೀತಕ್ಕೆ ಹೆಸರುವಾಸಿಯಾವಿರುವ ಅನಿರುದ್ ಇನ್ನು ಬಾಲಿವುಡ್‌ನಲ್ಲಿಯೂ ತಮ್ಮ ಛಾಪು ಮೂಡಿಸುವುದು ಪಕ್ಕಾ..