Sidharth Kiara wedding : ರಾಜಸ್ಥಾನ ಕೋಟೆಯಲ್ಲಿ ಫೆ.6 ರಂದು ಸಿದ್ಧಾರ್ಥ್‌, ಕಿರಾಯಾ ಮದುವೆ ಫಿಕ್ಸ್‌..!

Sidharth Malhotra Kiara Advani wedding : ಬಾಲಿವುಡ್‌ ಸ್ಟಾರ್‌ ಜೋಡಿ ನಟ ಸಿದ್ಧಾರ್ಥ್ ಮಲ್ಹೋತ್ರಾ ಮತ್ತು ನಟಿ ಕಿಯಾರಾ ಅಡ್ವಾಣಿ ಫೆಬ್ರವರಿ 6 ರಂದು ರಾಜಸ್ಥಾನದಲ್ಲಿ ವಿವಾಹವಾಗಲಿದ್ದಾರೆ. ವಿವಾಹದ ತಯಾರಿ ಈಗಾಗಲೇ ಪ್ರಾರಂಭವಾಗಿದೆ ಎಂದು ಹೇಳಲಾಗಿದೆ. ಅಲ್ಲದೆ, ಎಟೈಮ್ಸ್ ವರದಿಯ ಪ್ರಕಾರ, ಕಿಯಾರಾ ತನ್ನ ವಧುವಿನ ಡ್ರೇಸ್‌ನ ಪೈನಲ್‌ ಲುಕ್‌ ಟ್ರೈ ಮಾಡಿದ್ದಾರೆ ಎಂಬುವ ಮಾತಿದೆ.

ಅದ್ಧೂರಿ ವಿವಾಹ ಮೂರು ದಿನಗಳ ಕಾಲ ನಡೆಯಲಿದೆ. ರಾಜಸ್ಥಾನದ ಕೋಟೆಯಲ್ಲಿ ಕಿಯಾರಾ, ಸಿದ್ದು ಸಪ್ತಪದಿ ತುಳಿಯಲಿದ್ದಾರೆ ಎಂದು ವರದಿಯಾಗಿದೆ. ಕಿಯಾರಾ ಮತ್ತು ಸಿದ್ಧಾರ್ಥ್ ಸುಮಾರು 100 ಜನರ ಅತಿಥಿ ಪಟ್ಟಿಯನ್ನು ಈಗಾಗಲೇ ಅಂತಿಮಗೊಳಿಸಿದ್ದಾರೆ. ಕರಣ್ ಜೋಹರ್ ಮತ್ತು ಮನೀಶ್ ಮಲ್ಹೋತ್ರಾ ಅವರಂತಹ ಸೆಲೆಬ್ರಿಟಿಗಳು ಸಮಾರಂಭಗಳಲ್ಲಿ ಪಾಲ್ಗೊಳ್ಳುವ ನಿರೀಕ್ಷೆಯಿದೆ. ಇಂಡಿಯಾ ಟುಡೇ ವರದಿಯ ಪ್ರಕಾರ, ಕಿಯಾರಾ ಅವರ ಕಬೀರ್ ಸಿಂಗ್ ಸಹನಟ ಶಾಹಿದ್ ಕಪೂರ್ ಮತ್ತು ಅವರ ಮೀರಾ ರಜಪೂತ್ ಕೂಡ ಮದುವೆಯಲ್ಲಿ ಪಾಲ್ಗೊಳ್ಳಲಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ:Budget 2023 : ಚಲನಚಿತ್ರರಂಗಕ್ಕೆ ಕೇಂದ್ರ ಬಜೆಟ್ 2023 ಶೂನ್ಯ ಕೊಡುಗೆ ನೀಡಿದೆ..!

ಮಾಹಿತಿಯ ಪ್ರಕಾರ, ಫೆಬ್ರವರಿ 4 ಮತ್ತು 5 ರಂದು ಮೆಹೆಂದಿ, ಹಲ್ದಿ ಮತ್ತು ಸಂಗೀತದಂತಹ ವಿವಾಹಪೂರ್ವ ಹಬ್ಬಗಳನ್ನು ನಿಗದಿಪಡಿಸಲಾಗಿದೆ. ಜೈಸಲ್ಮೇರ್ ಪ್ಯಾಲೇಸ್ ಹೋಟೆಲ್‌ನಲ್ಲಿ ವಿವಾಹ ನಡೆಯಲಿದೆ ಎಂದು ಮೂಲಗಳು ಖಚಿತಪಡಿಸಿವೆ. ಮದುವೆಯ ಎಲ್ಲಾ ಕಾರ್ಯಕ್ರಮಗಳು ಹೆಚ್ಚಿನ ಭದ್ರತೆಯೊಂದಿಗೆ ನಡೆಯಲಿವೆ. ಸಿದ್-ಕಿಯಾರಾ ಮದುವೆಗೆ ಹೆಚ್ಚಿನ ಭದ್ರತೆ ಮಾಡಲಾಗಿದೆ ಎಂದು ಮೂಲಗಳಿಂದ ಮಾಹಿತಿ ಬಂದಿದೆ. ಸಿದ್ಧಾರ್ಥ್ ಮತ್ತು ಕಿಯಾರಾ ʼಶೆರ್ಷಾʼದಲ್ಲಿ ತಮ್ಮ ಆನ್-ಸ್ಕ್ರೀನ್ ಕೆಮಿಸ್ಟ್ರಿಯಿಂದ ಜನರನ್ನು ಆಕರ್ಷಿಸಿದರು. ಅಂದಿನಿಂದ, ಅವರ ಅಭಿಮಾನಿಗಳು ಈ ಜೋಡಿಯನ್ನು ತೆರೆಯ ಮೇಲೆ ನೋಡಲು ಇಷ್ಟಪಡುತ್ತಿದ್ದಾರೆ.