ನವದೆಹಲಿ: ಪ್ರಧಾನಿ ನರೇಂದ್ರ ಮೋದಿಯಿಂದ ಹಿಡಿದು, ಹಿರಿಯ ಬಾಲಿವುಡ್ ತಾರೆಯರ ಪ್ರತಿಮೆಗಳಿರುವ ನವದೆಹಲಿಯ ಮೇಡಮ್ ಟುಸ್ಸಾಡ್ಸ್‌ ಮ್ಯೂಸಿಯಂನಲ್ಲಿ ಈಗ ಬಾಲಿವುಡ್ ನಟಿ ಸನ್ನಿ ಲಿಯೋನ್ ಪ್ರತಿಮೆಗೂ ಸ್ಥಾನ ದೊರೆತಿದೆ.
ಬಾಲಿವುಡ್ ನಟಿ ಸನ್ನಿ ಲಿಯೋನ್ ಮೇಣದ ಪ್ರತಿಮೆಯನ್ನು ಸ್ವತಃ ಸನ್ನಿ ಲಿಯೋನ್ ಅವರೇ ಮಂಗಳವಾರ ಅನಾವರಣಗೊಳಿಸಿದ್ದಾರೆ. ಅಷ್ಟಕ್ಕೂ ಈ ಪ್ರತಿಮೆಯ ವಿಶೇಷವೆಂದರೆ ಪರಿಮಳ ಸೂಸುವುದು! ಅಚ್ಚರಿಯಾಗುತ್ತಿದೆಯೇ? ಆದರೂ ಇದು ಸತ್ಯ. ಮೇಡಮ್ ಟುಸ್ಸಾಡ್ಸ್‌ ಮ್ಯೂಸಿಯಂನಲ್ಲಿ ಈಗಾಗಲೇ ಸಾಕಷ್ಟು ಗಣ್ಯರ ಪ್ರತಿಮೆಗಳಿದ್ದರೂ, ಪರಿಮಳ ಸೂಸುವ ಮೊದಲ ಮೇಣದ ಪ್ರತಿಮೆ ಸನ್ನಿ ಲಿಯೋನ್ ಅವರದ್ದು.
ಈ ಅದ್ಭುತ ಕ್ಷಣಗಳನ್ನು ಸನ್ನಿ ಅವರೇ ಸಾಮಾಜಿಕ ಜಾಲತಾಣಗಳಲ್ಲಿ ಹಂಚಿಕೊಂಡಿದ್ದಾರೆ. ತಮ್ಮ ಪ್ರತಿಮೆ ಅನಾವರಣ ಸಮಾರಂಭಕ್ಕೆ ಪತಿ ಡೇನಿಯಲ್ ಜೊತೆ ಆಗಮಿಸಿದ ಸಂದರ್ಭವನ್ನು ಸನ್ನಿ ಹಂಚಿಕೊಂಡಿದ್ದು, ತಮ್ಮ ಮೇಣದ ಪ್ರತಿಮೆ ಅನಾವರಣದಿಂದ ತುಂಬಾ ಸಂತೋಷವಾಗಿರುತ್ತಿರುವುದಾಗಿ ಸನ್ನಿ ಲಿಯೋನ್ ಟ್ವಿಟರ್ ನಲ್ಲಿ ತಿಳಿಸಿದ್ದಾರೆ. ಅಷ್ಟೇ ಅಲ್ಲದೆ, ಪ್ರತಿಮೆ ಅನಾವರಣದ ನಂತರ ನೃತ್ಯ ಮಾಡಿ ಸಂಭ್ರಮಿಸಿದ ವೀಡಿಯೋವನ್ನೂ ಕೂಡ ಸನ್ನಿ ಶೇರ್ ಮಾಡಿದ್ದಾರೆ.
ಸನ್ನಿ ಲಿಯೋನ್ ಅವರಿಂದ 200 ಪೋಟೋಗಳನ್ನು ಸಂಗ್ರಹಿಸಿ ಲಂಡನ್ ನಿಂದ ಆಗಮಿಸಿದ್ದ ಪರಿಣಿತರ ತಂಡ ಈ ಮೇಣದ ಪ್ರತಿಮೆಯನ್ನು ರಚಿಸಿದೆ.
!["X&Y" ಚಿತ್ರದಲ್ಲಿ "ಆoಬು ಆಟೋ " ಎಂಬ ಆಪ್ತಮಿತ್ರ : ಬಿಡುಗಡೆಗೂ ಮುನ್ನವೇ ಆಟೋ ಚಾಲಕರ ಮನ ಗೆದ್ದ ಸಿನಿಮಾ](https://kannada.cdn.zeenews.com/kannada/sites/default/files/styles/zm_175x100/public/2024/11/27/470370-auto.jpg?itok=tIsx6DEI ""X&Y" ಚಿತ್ರದಲ್ಲಿ "ಆoಬು ಆಟೋ " ಎಂಬ ಆಪ್ತಮಿತ್ರ : ಬಿಡುಗಡೆಗೂ ಮುನ್ನವೇ ಆಟೋ ಚಾಲಕರ ಮನ ಗೆದ್ದ ಸಿನಿಮಾ")
